الأعصاب كلها بتطلع من المخ وعددهم 12زوج وبتطلع من النخاع الشوكى وعددهم 33زوج والأعصاب اللى بتغذى الطرف العلوى هم خمسة أعصاب بنرمزلهم فى الطب عندنا ب )c5.c6.c7.c8.t1(

والأعصاب دى بتتجمع و تعمل عقد عصبة وبضفائر عصبية لتقيتها حتى لا تقطع وبعدين تبدا تدى فروع لتغذية الذراع و ومنهم 5 اساسيين 2 فى منطقة الأبط و اول الذراع وواحد فى منتصف الذاع بأكمله و واحد يمينه وواحد شماله وكل عصب من دول بيغذى عضلات معينة وعظم و مفاصل وقطعة جلد معينة و اى قطع او ضغط فىالأعصاب دى لاقدر الله يؤدى لضمور العضلات واختفائها تماما ومن الأماكن السهل قطع الاعصاب فيها مثل كسر عظمة العضد او خبطة فى الكوع او قطع الرسغ بسكين عند الأنتحار وقطع اى عصب يؤدى لعدم القدرة على اداء بعض الحركات و ان شاء الله هبقى اتكلم على عصب عصب فيهم بعدين وايه الحركات المسئول عنها الأعصاب الخمسة(الفروع) هم

1-axillary nerve(عصب الابط)

2-musclocutanous nerve(ليس له ترجمة مناسبه بس ترجمته الحرفيةهو عصب عضلى جلدى)

3-median nerve(عصب النصفى)


4-ulnar nerve(عصب بجانب عظمة الزند)


5-radial nerve(عصب بجانب عظمة الكعبرة)











1-عصب الأبط ده ممكن يحصله قطع لو حصل كسر فى أعلى عظمة العضد ولازم نخلى بالنا لو حد حصلل كسر فى ذراعه لاقدر الله من الحفاظ على وضعية الذراع فى حالة سليمة عشان ميتقطعش او حتى يضغط عليه لان لو حصله اى ضرر مش هنقدر نرجعه لحلته السليمة

وانا بعرف العصب ده انه اتقطع عن طريق دبوس بشكشك بيه المريض عند الكتف وانا مغمى عينه لو محسش بوجع بعرف ان فيه قطع فى العصب وبعد فترة(سنة) بلاقى العضلات الكتف اختفت او ضمرت وبدأ يظهر العظم

ومن الحركات اللى المريض ميقدرش يعملها انه يلف ذراعه لقدام او للخلف و صعوبة فى رفع ذراعه لاعلى

2-عصب musclocutanous nerve

ده من الأعصاب النادر ان يحصله قطع الا لو فى حادثة و المريض بيشتكى من تنميل فى الساعد بأكد من ده باختبار الدبوس بس المرة دى فى الساعد وبيبقى عند صعوبة فى ثنى ذراعه

والعضله اللى فى الصورة دى(bicepis)العضلة ذات الرأسين دى اللى بتساعد فى ثنى الذراع وبتلف باقى الذراع لقدام وبتتغذى من العصب ده بس فى عضلة تحتها اسمها عضلة الذراع (brachalis) دى بتقدر تتنى الذراع وتحل محل العضلة الأخرى لانها بتتغذى من من radial nerve & musclocutanous nerve.

3-median nerveمن الأعصاب المهمة جدا وكتير من ربات البيوت بيتعبهم نتيجة العمل المتواصل فى البيت ويبدا الألم من الرسغ وشكوى من عدم القدرة على حمل كوب او ملعقة الأحساس



بتنميل فى الأبهام والسبابة والوسطى نصف الخنصر ده لان بيعدى فى الرسغ تحت نسيج ضام من الدهون و الدهون دى لما سمكها بيزيد تضغط على العصب و الطبيب بيضطر انه يعملها عملية و هى انه يفتح النسيج الضام ويطلع العصب من تحته

او بمعنى اصح بيحطه داخل انبوبه واسعة عشان ميضغطش

و من المستحيل ان يحصل قطع للعصب ده الا لو اتقطعت اليد كلها هو بس بيضغط وده يأثر على وظيفته و لو ست البيت دى لم تهتم بالموضوع بعد كام شهر هيحصل ضمور باليد وعظم ايديها هيظهر ويختفى تجويف ايديها فأسأل الله عز وجل ان الناس تهتم بالموضوع ده لان خطير والأعصاب مفيش فيها علاج يعنى اللى بيروح مبيرجعش

وفى حالة تاني لضغط العصب ده عند الرياضيين(رفع الأثقال والرياضة العنيفة) الشداد -



العضلة دى لو كبرت عن حجمها أوى تضغط على العصب و المريض ده ميقدرش يتنى ذراه ناحيته و زود عليها الأعراض السابقة والعصب ده يؤدى لعمل شكل اليد زى القرد بالطبى(ape hand syndrome)



أسأل الله عز و جل الأفادة.