جميع أنواع الحلوى

من طرف **Admin** الأربعاء 15 يناير 2014, 7:44 am

خلينا نجمع أفضل مشاهد العُرس الديموقراطي النهاردة :

1 - الحج ( غير معروف الاسم ) طالع ومتشنج تماماً ورافع إيده الشمال في إشارة واضحة علي النصر في المعركة الأرماجيدونية .. وإيده بأكملها حبر أحمر .. غالباً الحج فهم الموضوع غلط وحد أقنعه إن الحبر بنستحمي بيه ..

2 - الراقصة الموقرة دينا راحت الإستفتاء .. وطبعاً قالت " نعم " لما نعم زهقت منها .. وصرحت إنها مش هتخاف وإنها قالت نعم ومليون نعم وإنها استعانت بالآية الكريمة ( قل لن يصيبنا إلا ما كتب الله لنا ) .. أه والله حصل ..

3 - حف...يد أحمد عرابي راح صوت النهاردة وكان راكب حصان ولابس بدلة العسكر القديمة بتاعة بدايات القرن السابق ورافع سيف .. وصرح أيضاً قائلاً ( ذهبت للتصويت علي حصان رافعاً السيف مثل جدي إحتفالاً بالعرس الديموقراطي ) .. أه قال كده فلا تندهش ..

4 - نبيل فاروق أحب إنه يبتكر نوع جديد من المقالات .. فطلع مقال النهاردة مكون من كلمة واحدة فقط مكررة عشرات المرات وهي كلمة ( نعم ) .. أه يا ابني والله المقال كله ( نعم ) .. نعم نعم نعم نعم نعم نعم نعم نعم نعم ..... إلي ما لا نهاية .. الصف الرابع تحديداً من نعم خلاني أبكي بالدموع من التأثر .. وللدقة أكثر ( نعم ) ما قبل الأخيرة والتي خرجت من قلب حاج نبيل فعلاً ..

5 - بعض الموظفات النهاردة بعد ما خلصوا " تصويت " .. قررن في حركة مبتكرة إنهن يرقصن " عشرة بلدي " قدام اللجنة .. أيوة زي ما قرأت كده .. عشرة بلدي فعلاً .. المشهد كان محتاج تذاكر وكوبايتين شاي بالتأكيد ..

6 - حمدين صباحي راح يصوت .. ملقاش اسمه في كشوف الناخبين بمدرسة السيدة خديجة بالمهندسين .. فأبدي دهشته في بيان رسمي من التيار الشعبي .. بس كده خلصت القصة ..

‫#‏قصة_قصيرة‬

أنا بحب البلد دي .. حقيقي .. مظنش إني هلاقي مسخرة بالشكل ده في مكان تاني ..

وأنوع التمتع بأكبر قدر ممكن من المسخرة لأطول وقت قبل ما أسافر علي آخر السنة إن شاء الله ..

ده حقي ولازم آخده.

وبكره تسيبو مصر

منقول من صفحة
"هيثم قطب محمد"