جميع أنواع الحلوى

من طرف **Admin** الجمعة 14 أكتوبر 2011, 8:01 pm

جحا .................و العسكري

بواسطة بقلم عبد الخالق ابو حلوه 04/10/2011 15:30

جحا كان راكب حماره اللي اشتراه بعرق العافية بعد شقي وتعب سنين وايام وماشي ومروح علي بيته قابله جار ليه كان عسكري وماشي علي رجليه ومروح في نفس الطريق بس مش نفس البلد مشي جحا راكب حماره يتكلم ويتسلي مع جاره العسكري اللي ماشي علي رجليه لحين ما تيجي مفارق الطرق وكل واحد يروح لحاله
كلمة في كلمة فزورة في نكته الامور بقت حلوةجاره قاله يا جحا ركبني معاك رجلي وجعتني
جحا قاله بس الحمار مايشيلش قاله ركبني وراك علي اخر البردعة او حتي بعديها بشوية مش هضايقك ولا هتعب الحمار

جحا قاله بس لو كنت قولت من بدري كنا اشتركنا وجبنا حمار كبير شرك بينا يحملنا احنا الاتنين

قاله معالش علشان خاطري دنا بحبك وفي كل حتة بجيب سيرتك وبشكر فيك

جحا ركبه معاه علي اخر البردعة قبل نهاية اخر الحمار

شوية وجاره يحضن في جحا ويقوله يا جحا انا كدة مش مستريح ويمكن اقع منك خش شوية قدام

جحا يتحرج ويدخل شوبة

يا جحا بالله عليك خليني اركب كويس انا كدة الناس هتقول علي مش معاك ومش حبيبيك

دنا كل الناس عارفة اننا اصحاب وايد واحدة خش شوية وسعلي اكتر

جحا يتحرج ويطلع للامام لحد ما كان هايوقع علي رقبة الحمار

جاره قاله كدة رقبة الحمار تتعب

جحا قاله يعني اية
جاره قاله يعني انزل امشي شوية واحنا خلاص قربنا علي نهايةالطريق وانا انزل وانت تركب حمارك وتروح

جحا قاله بس يا حاج كدة ماينفعش ده الحمار حماري

قاله وهو حد قال ان الحمار مش حمارك ده هو علشان حمارك انا خايف عليه وبقولك نريحه شوية

امشي شوية زي ما انا كنت ماشي لحد ما نوصل مفارق الطرق اسلمك الحمار واروح لحال سبيلي

سمع الكلام جحا وصدق ونزل مشي

وبدأ الكلام فزور حلوة في نكتة بايخة في شوية سكوت من العسكري مع شوية طناش والطريق يطول

لحد ما جحا قاله كفاية كدة وانزل علشان انت دخلت طريق مش طريقي واخاف ماوصلش

قاله هتوصل انا عارف الطريق كويس بس نعدي علي بيتي وبعدين لو عرفت انك امين اسلفك الحمار تروح بيه

جحا استغرب قوي من كلمة لو امين وكلمة اسلفك

امين اية و تسلفني اية يا حاج

ده الحمار حماري

قاله مين يثبت ان الحمار حمارك وهو فيه حد بيسيب حماره لغيره يركبه

لو كان حمارك تبقي ماتستهلوش لانك ماحفظتش عليه وسيبته لغيرك يركبه

وبعدين هو مين اللي راكب دلوقت تعالي نسأل اللي في الطريق من اوله لاخره
واللي يقولوه يمشيجحا قاله بس ده مش طريقي والناس هنا عارفاك وماتعرفنيش ويمكن لما شافوك راكب يقوله عليه حماركولو مسكت فيك وقولت انه حماري هايصدقوك لانك انت العسكري مش انا ولو قولت حرامي هايقولوا اتجن بيخون العسكري

قاله العسكري ولو مامشتش بعيد هاوديك القسم افضلك تروح تشتريلك حمار جديد وماتمشيش تاني في طريق اكون فيه موجود او طريق ماتعرفوش
واسمع كلام العسكري

وراح الحمار ورجع جحا يمشي علي رجليه

أشهى المأكولات

جميع أنواع الحلوى

دليل مدارس وصيدليات ومستشفيات المطرية

جحا .................و العسكري

جحا .................و العسكري