المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر


حكايه موت عصفورة الجنه مرام

استعرض الموضوع السابق استعرض الموضوع التالي اذهب الى الأسفل

حكايه موت عصفورة الجنه مرام

مُساهمة من طرف بلبل حيران في الثلاثاء 19 أبريل 2016, 11:36 pm


ماتت مرام ماتت زهرة عمرى وحياتى ماتت الدنيا كلها بفراقك يا جنتى ونعيمى
ولا نقول الا ما يرضى ربنا ان لله وان اليه راجعون
يوم الاربعاء الماضى ذهبنا لاجراء عمليه اللحميه عند الدكتور علاء الكارف ونحن بالعياده سالته هتعمل اللوز كمان قالى لما ادخل واشوف الوضع ايه قولته اللى انت شايفه اعمله انت الكتور وسالنى هى بتلتهب قولته انها بتاخد وتيدى عادى قالى لما نفتح واشوف دخلت العمليات حوالى 35 دقيقه و خرجت وعملها اللوز كمان سالناه ايه الاجراء رد وقال لمامتها الدلع ممنوع تاكليها غصب عنها اول يوم ايس كريم ومثلجات واعملى حسابك حتبقى فيه حراره وكحه وترجيع وتقولك زورى بيوجعنى موش عاوزه اكل اكليها غصب عنها وكتبلها مضاد حيوى 500 مع بروفين كل 6 ساعات بس يوم الخميس اتصلت بيه وقولتله مرام سخنه 38 درجه ونصف وبعملها كمادات قالى كمادات لا اديها البروفين وبس يوم السبت اتصلت بيه تانى يا دكتور فيه حراره وكحه جامده نيجى لحضرتك رد وقال ميعادنا الثلاثاء وادوها برونكفين شراب والاحد يوم الفاجعه السابعه صباحا بجهز علشان اذهب لمدرستى سمعتها كحت وصوت امها الحقنى ونافوره دم من فمها كانك دبحت خروف خرج دمه دفعه واحده خدتها وجريت الصاله ادروخت منى فى خلال 5 دقائق وصلنا المستشفى العام (بالسياره وانا بجوار المستشفى موش بعيد ) بس قبل ما نوصل المستشفى زوجتى قالتلى مرام ماتت بس مصدقتش ودخلنا المستشفى الدكاتره اتلموا عليها والتمريض ومن خلال الباب متوارب شايف الدكتور بيضغط بكفيه على صدرها والقلب لا بستجيب ويعطوها فى حقن ومحاليل وكل منسال حد خارج من جوه يقول بنحاول معاها بس الساعه حوالى 8 بلغونا الخبر انهرت وقولت للدكتور ليه ماتت ليه قالى ده من جرح العمليه ولكن لما زوجتى صوتت وقالت عاوزه الكلام ده رسمى الدكتورخاف وراح للامين الشرطه اللى فى المستشفى وقالوا اعمل محضر رسمى ومعتش رضا يتكلم( و اتنازلت فى النيابه عن اى اتهام للدكتور علشان مرام متتدخلش التلاجه وتتشرح من الطب الشرعى وده طبعا بعد ما خيرونى عاوز تتهم الدكتور يبقى لازم البنت تتشرح قلبى مطوعنيش ان بنتى تتقطع او تتنازل ونخلص اجراءت الدفن ) ووانا جنب بنتى فى عنايه الطوارئ استحلفت الدكتور وعرفته انى اتنازلت رسميا. انه يقولى الحقيقه قالى اما ان فيه وريد او شريان متقفلش صح فى الجراحه ونزف لحد مانفجر او ميكروب اصاب الجرح وكان مسبب الكحه والسخونيه وبسبب الميكروب ده عمل تالكل للجرح لدرجه الانفجار فدفع بدم البنت كله مره واحده وتسبب فى الوفاه
اشهد الله اشهد الله اشهد الله لم ازود شئ على اللى حدث ولم اخفى شيئا
وفى النهايه ادعو الله الا يجرب على احد ما انا فيه
ويعلم المقربون والاصدقاء ان مرام كانت هوايا ونفسى ونبض قلبى واشهد الله انى راضيا بقضاءه

_________________
بلبل حيران









avatar
بلبل حيران
مشرف مميز
مشرف مميز

الجنس : ذكر عدد المساهمات : 3263
تاريخ التسجيل : 05/09/2011
المزاج المزاج : عال والحمد لله

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى