جميع أنواع الحلوى

من طرف **بلبل حيران** الجمعة 07 سبتمبر 2012, 5:39 pm

قال الدكتور أحمد الحلواني، نقيب المهن التعليمية، إن وزارة المالية تراجعت عن الاتفاق المبرم بينها وبين نقابة المهن التعليمية ووزارة التربية والتعليم ورئاسة مجلس الوزارء، عن إقرار مشروع الكادر دون أساب معلنة.
وأكد الحلوانى أن جميع الخيارت مفتوحة أمام المعلمين، وأن الوقفة الاحتجاجية أمام مجلس الوزارء السبت المقبل وقفة رمزية ولمدة ساعتين فقط، للتنديد بموقف وزارة المالية بعد هذا التراجع.
وأضاف أن النقابة خاطبت رئاسة الجمهورية لإجراء لقاء بالدكتور محمد مرسي، رئيس الجمهورية، خلال الأسبوع المقبل، لبحث مطالب المعلمين ومحاولة الوصول لحل بشأن مشروع الكادر قبل بدء العام الدراسى، مطالباً بتطبيق ما سماه «قانون الوظيفة الموحدة» على جميع العاملين بالدولة، وعدم التفرقة بين هئية التدريس بالجامعات وهيئة الشرطة، وبين جميع العاملين بالدولة، ومنهم المعلمون.

===================================

سيناريو الأحداث تدور داخل مكتب الارشاد (مشهد من واقع خيالى المريض حسبما سيصفوننى)
يدخل الحلوانى المكتب منفعلا قائلا: يا اخوانى انا انتهيت وانتوا واقفين تتفرجوا عليا؟
المعلمين خلاص قرروا يخربوا الدنيا ويشيلونى من على كرسى النقابة ، واحنا ما صدقنا استولينا عليه .. وانتوا عارفين ازاى اخدناه ... شوفولى بسرعة حل قبل ما تقع الفاس فى الراس ونخسر كل حاجة كلنا.
- اتفضل اقعد بس يا اخ احمد واهدى وكل شىء هيتصلح باذن الله
- سمعا وطاعة ... ولكن كيف؟؟؟
- انت مش عايز تكون انت البطل الهمام والمعلمين يهتفوا باسمك؟
- اكيد طبعا
- اول حاجة هنخلى الحكومة كلها تتجاهل مطالب المعلمين
- ازاى؟ دى كده هتولع اكتر
- متخافش... بس لو سمحت لا تقاطعنى ... ولا تجادل كثيرا يا اخ احمد
- بعد كده تعلن انك غاضب من الحكومة وتهدد بالاعتصام والاضراب ... وتعمل فعلا وقفة امام مجلس الوزراء .. بس تخليها قبل وقفة الجماعة اياهم دول نخليها مثلا السبت .
- طيب ونحشدلها منين؟
- ههههههه ايه يا اخ احمد مالك؟ انت ناسى اننا بنحشد كل الاخوان فى اى لحظة وقت ما نحب ؟ هنحشدلك عدد كبير من الاخوان معلمين وغير معلمين ... ومحدش عارف حاجة... وسائل الاعلام والناس هتقول ان المعلمين كلهم متضامنين معاك .... وبعدين يصدر قرار من الحكومة بالموافقة على جدول البدلات اللى احنا اقترحناه
وبكده يا اخ احمد يبقى ضربنا عصافير مصر كلها بحجر واحد مثلا:
حققت اقتراحنا بتاع الكادر المزعوم رغم انف النشطاء اياهم
افسدنا وقفة المعلمين يوم 10/9
هتكون انت البطل الهمام اللى انقذ المعلمين من ظلم المالية والحكومة
نضمن بقاء الكرسى ده لاطول فترة ممكنة
والمعلمين الغلابة هيقولوا الحمد لله على كده اهى حاجة احسن من مفيش والراجل كتر خيره ووقف معانا
و ..... و........و....
وسلملى على المعلمين هههههههههههههههه
ايه رايك بقى يا اخ احمد؟؟؟؟
جزاكم الله خيرا .... بكده تبقوا انقذتونى من الناس دى وبكده يبقى قضينا عليهم للابد
من خيال مريض لمعلم مقهور .....
سعيد بلال ..
الدلنجات ...
محافظة البحيرة ...

أشهى المأكولات

جميع أنواع الحلوى

دليل مدارس وصيدليات ومستشفيات المطرية

يحيا الحلوانى نصير المظلومين ...بالروح بالدم نفديك يا حلوانى

يحيا الحلوانى نصير المظلومين ...بالروح بالدم نفديك يا حلوانى