جميع أنواع الحلوى

من طرف **أمل زياده** الأحد 08 يناير 2012, 9:17 pm

range]r]

يعنى لو طبختى طبخه ما فيها عن مثلا وما لها طريقه طهى الا كده
وفجأه على الاكل واثناء التناول تلاقى تساؤل بأندهاش
ايه ده ؟؟؟
طبعا الرد فى بساطه دى كذا
تلاقى الرد فى استنكار
لا طبعا محدش بيعمل كده حد يحط على البسله جزر مثلا
والمفروض الكوارع قبل ما تتقدم تتحمر!!!!!!!!!!!!!!1
حد يحمر الكوارع يااااااااااعاااااااااااالم الحقونا ............
والعجيب فى الامر فعلا ان نفس الوجبات لها نفس طريقه الاعداد تقريبا يعنى
بس اللى بيتغير او بيفرق من واحده لاخرى النفس طريقه التقديم االتتبيله كده
بس اللى اكتشفته ان نموذج الزوج ده متكرر فى كل البيوت

يعنى مثلا واحد اختلف مع زوجته على البابا غنوج هو يقول الباذنجان مسلوق
وهى تقول مشوى ههههههههههه
انا بشوف ان الاكل والمطبخ ده تخصص الزوجه والزوج ماله دخل فيه ان شاء تطبخ عدس
ولا ايه وكمان بشوف ان نموذج الزوج بتصرفاته كده تندرج تحت بند التلكيك وانه كطبع فيه بيتخانق مع دبان وشه
ومش عنده مشاكل تذكر زى الخلق والعالم
بس اللى مش عارفه افهمه ليه رغم ان الشكوى واحده تقريبا من كل الزوجات
بس االحقيقه ده مش معناه ان الزوجات ملائكه بس ياريت لو فى زوج او رجل يشاركنا رايه ويقول هو بينظر ازاى للزوجه
وهل فعلا فى حاجات ممكن تعملها تكون سبب فى تصرفاته دى
ولا هناك علاقه بين عمل الزوج وكاريره اللى بتترك عليه البصمات دى
؟؟؟؟

ودى عينه اخيره بين نقاش بين ام وابنها وشوفو اتدخل ازاى الزوج لاثاره المشاكل
الام : بتعمل ايه ؟؟
الابن: بقرأ قصه فيلم بحاول احمله من النت
الام : فيلم ايه
الابن : الكبار
الام : عربى ده ؟؟؟
الابن : اه
الام عن ايه القصه طيب ؟
الابن :
عن وكيل نيابه ترك شغله لانه كان سبب فى اعدام متهم برىء

الام : ااااااااه بس ده عادى يعنى ازاى يبنوا قصه فيلم على حقيقه ان عمل القضاء
وسلك القضاء لو اخطأ لهم اجر ولو اصابو فى الحكم لهم اجران
قال الابن فى بساطه : مش عارفه
طبعا لم يكونو يعرفوا ان الزوج متابع الحوار
فجأه تدخل الزوج بعصبيه زائده بعد ان خرج من الغرفه ودون مبرر
قال : غلط .
التفتت الزوجه والابن اليه فى دهشه قائلين ايه اللى غلط ؟
قال الزوج : اللى انتى قولتيه ؟
الموضوع بتاع الاجر والاجران ده فى فى قراءه القران للى مش بيعرف يقرأ
قالت الزوجه فى رد فعل طبيعى : لالا ده موضوع وده موضوع تانى خالص
دى احنا درسناها فى الجامعه ان القضاء واللى تابع لهم اكيد سلك النيابه
لو اخطأوا فى الحكم على احد لهم اجر ولو اصابو فى الحكم كان لهم اجران
انما موضوع قراءه القران اه تاخد ثواب القراءه وثواب الصعوبه فى قراءه القران ده وضوع وده موضوع مختلف تماما
استمع الزوج فى ضجر واضح وقال فى لهجه امره

اللى انا قولته هو اللى صح يا ابنى

مطت الزوجه شفتيها فى ذهول وقالت للولد
طيب اسأل جدو او اى احد عن الموضوع كده من غير ما تقول رايك او انت سمعت ايه
قال الولد فى احباط
لالالا خلاص
فى حين قال الزوج ما تسال حد انا كلامى صح

طبعا استحاله يقول الاب ان معلوماته مغلوطه
او حتى ما يتكلم اصلا
ده لو ابو الهول اتكلم وقال انه اخطأ بردو الزوج مش هيقول

المهم الزوجه بدهاء فى احدى الزيارات العائليه لاحد الاقارب ممن لهم معزه عند الزوج
واثناء تتبادلهم لاطراف الاحاديث عادى جدا جدا
واثناء النقاشات العاديه
تطرق الكلام بالصدفه لمناقشه احدى قضايا الرأى العام والاحتجاج ولوم القضاء
فوجدتها فرصه لتصحيح المعلومه للابن وكمان توضيح للزوج انه مخطىء
وكمان حته نرجسيه من الزوجه هههههههه عايزة تثبت ان كلامها صح
قالت فى خبث يا فولان والله القضاه عملو اللى عليهم
واذا اخطأوا لهم اجر واذا اصابو لهم اجران
قال فولان طبعا اكيد
والقاضى بيحكم من واقع الاوراق وهو على الحياد التام
طبعا فولان لا يعرف ما ترمى اليه الزوجه
وانما الزوج فهم على طول
قال فى استنكار ايه المبدأ ده ده بيطبق على كذا
ههههههههه

دبستهم
راح انتقل النقاش كربونه من بين الزوجه والزوج الى الزوج والقريب
وهات يا نقاشوتعالت اصواتهم ما بين مؤيد للزوج ومعارض له
وهنا ضحكت الزوجه وقالت ارايت كلامى طلع صح
طبعا فولان بطيبه وخفه ظل قال بعد ما فهم ما ترمى اليه الزوجه
ايه ده انتو اتناقشتوا فى ده من قبل
ازاى اساسا تناقشى وكمان ليكى رايى دى فوضى
ردت ضاحكه وكمان صح تخيل
وبعد التوتر ضجت الغرفه بالضحك الا الزوج ابتسم ابتسامه صفرااااااااااااااء
هههههههههههههههههههه

ها ايه رايكم فى توحش المرأه

حرب بارده مش كده

؟؟؟

ويسلام لو الملح زياده او قليل او السكر زياده فى الشاى مع انه بيشربه كل يوم بنفس عدد
معالق السكر بس ممكن جدا فجأه يصبح مسكر اووى
او مر اووى
عادى جدا ولا تشغلى بالك اصلا
يعنى فى السن ده ومش عارفه تعملى كوبايه شاى
ده كلام

ولا المصيبه الكبرى البطاطس المحمره
ههههههههههه
فى كل المحلات لون البطاطس المحمره بيكون ذهبى اللون

ده فى المحلات فى اوروبا والدول المتقدمه بس فى بيتونا المصريه
غييييييير
لازم تكون متحمره متحمره يعنى مش ذهبى ايه الكلام العجيب ده لازم تفتى مش كده
هههههههههههه
الا خناقه البطاطس دى هههههههههه تجنن تخيل زوج كبير ناضج بيتخانق لان البطاطس لونها ذهبى
والغريبه انها تعجب اى حد ممكن يكون موجود
يعنى الولاد بيكونو سعداء جدا الاقارب يقضوا عليها محدش يتذمر الا هو
اصل كل الناس دى مش بيفهموا هههههههه ال ذهبيه ال......
بطاطس اخر زمن ؟

ياااااااااااااه بقى لو فكرتى تعملى وجبه من وجبات احدى برامج التليفزيون
ده طبعا بيندرج تحت بند العك حتى ولو نالت استحسان الجميع او الحضور
لازم تتأقلمى على ده وان ده قدر فى حد ممكن يغير قدره اكيد لا
اهو الزوج قدرك
هههههههههههه

وتعالى بقى لو لا سمح الله اتناقشتوا فى موضوع ما اى قضيه عامه مثلا حتى ولو كانت فى مجال تخصصك

زى قضيه سوزان تميم ولاحكام الاخيره

لالالالا غلطه عمرك والغلطه الاكبر ان اساسا طلع ليكى رايى المفروض تسمعى بانبهار

كل ما يقال وياريت تبينى اد ايه مدى اندهاشك باللى بتسمعيه حتى لو كان علميا خطأ

وياريت تبينى مدى اعجابك باللى بيتقال حتى لو كنتى سمعتيه قبل كده ديشليار مره

اتعلمو بقى

وبعدين تعالى هنا ازاى لو انتى فى المطبخ تتصابى مثلا كان بالغلط تقطعى اصابعك بالسكين
او تتلسعى مثلا يعنى زى الخلق والعالم
او لو كنتى ضحيه الانفلونزا الموسميه
لالالالالالالا ازاى يحصل لك كده وخدى بقى تعليقات وحنيه بتقطر من الفم
شهد والله
لو على اصابه المطبخ هو انتى اول مره تطبخى ده اهمال هههههههه
لو على البرد خليكى كده فريسه للبرد المفروض تقومى البرد عايز مقاومه
مش لا سمح الله يقولك الف سلامه
ثم ازاى اساسا تمرضى انتى فولاذيه الاله والماكينه بتاعه البيت
فى ماكينه بتمرض لا
يبقى انتى اكيد غلطانه
مش كده ولا ايه
بس هو لو مرض هتلاقى حاله طوارىء فى البيت وسلبطه واجازة على حس المرض
ههههههههههه
بس انتى مرضك ممكن يترتب عليه تعطل حركه الانتاج
انما هو لا افهموها بقى

من طرف مودي الأحد 08 يناير 2012, 9:57 pm

فهمناها!!!!!!!!!!!!!!
بجد روعة تسلم ايديكي

أشهى المأكولات

جميع أنواع الحلوى

دليل مدارس وصيدليات ومستشفيات المطرية

مذكرات زوجيه 2

مذكرات زوجيه 2

رد: مذكرات زوجيه 2