جميع أنواع الحلوى

من طرف **بلبل حيران** الأحد 14 سبتمبر 2014, 7:06 pm

سيدة تبيع شبت وبقدونس على ظهر قفص مقلوب على اﻷرض.. وجهها به منحنيات من آثار تعرضها للشمس.. كنت انتظر صديقى في السيارة بجوارها وسمعت هذا الحوار بينها وبين بائعة أخرى.

-الواد سابلي البيت وهج.. عايز حنفية فلوس.. عشان قلتله يابني بقالي 4 شهور ماجبتش الدواء.. عايزة اجيبه مرة قبل ما اتكوم جنبك ونجوع إحنا اﻷثنين.. شوح فيا ومشي ومدخلش البيت بقاله 3 أيام..
-يا لهوي ياختي الواحد يربي ويكبر وفي الاخر يترمي.. ربنا معاكي يام عبده إن شاء الله بجيلك هيروح فين يعني..
المهم قررت انزل اشتري منها اي حاجة.. وأدردش.. سألتها: مش محتاجة حاجة يا أمي؟
قالتلي تسلم مستورة.. ورفضت تاخد أكتر من ثمن البقدونس.. أصل مافيش حاجة توجع قد واحد فقير وعفيف.. بس قلت هاحاول برضو..
قلتلها طيب يا حاجة أنا سمعتك وأنت بتتكلمي عن الدوا بصراحة وعايز اجيبهولك.. ممكن اسمه؟ بصت في اﻷرض.. مزيج من العفة والإحتياج والفرحة والحياء.. ست عظيمة الحقيقة..
قالتلي والنبي يا بنى ماعرف اسمه هو دواء السكر ب22.5 وحبوبه صفراء كده..
قلت خلاص هاحاول اوصله.. رحت الصيدلية وسألت الدكتور هل في كذا كذا قالي يعني اسمه ايه؟ قلتله هو لسيدة غالبا مابتعرفش تقرا فمتعرفش اسمه.. الدكتور فضل يدور على الكمبيوتر ووصل له في الاخر.. وبدل علبتين لقيته مديلي شنطة فيها الدواء.. سألته كام؟
قاللي ده هدية مني ليها.. وقول لها أول الدواء مايخلص هتاخده من عندي ببلاش.. ربنا يكرمك.. وكتب لي كارت في ظهره "يصرف لحامل هذا الكارت الدواء كذا بالمجان" .
الست كانت بتبكي وهي ماسكة الدواء ابو 22.5!! والكارت!
______________________________________________________
قد تكون قرأت القصه او ما شابهها من قبل و لكن هل فكرت اي الادوار ستحياها هل ستكون كالسيدة المتعفهه رغم ضيق الحال - ام المرسال الساعي للخير الذي تقصي شكوي السيدة و حاول سد حاجتها- ام الطبيب الصيدلي الذي شارك من مجالة لرفع معاناة - ام كابن السيدة الذي اساء لها لضيق حالها - ام للصديقه اللي كانت بتسمع للسيدة و تروح عنها ؟؟
اي الادوار تريد ؟!!!!!
_____________________________________________________
منفول

أشهى المأكولات

جميع أنواع الحلوى

دليل مدارس وصيدليات ومستشفيات المطرية

بائعة البقدونس

بائعة البقدونس