المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر



انضم إلى المنتدى ، فالأمر سريع وسهل

المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر

المنتدى المصري الحر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شعر عامية

2 مشترك

اذهب الى الأسفل

شعر عامية Empty شعر عامية

مُساهمة من طرف m_ebead الخميس 02 فبراير 2012, 11:46 pm

احم احم
انا لسة جديدة هنا فهأعتقد ان من حقي انقل شعر مشهور لنستمتع به جميعا
و هأبتدي بـ

منصورة يا مصر .... تميم البرغوثي

منصورة يا مصر مش بجميلة العسكر
احنا اللي روحنا بدري بس مش اكتر
قول للي روح عشان يرتاح فما ارتاحشي... الراحة كل ما تستعجلها تتأخر

و اللي هينزل هيحكم لو ما روحشي .. قصر الرياسة ببلاش بس انت مستخسر

***
قصر الرياسة مفيش بينك وبينه كتير
في سلك شايك
و كيس رملة
و كشك غفير

لو جيت لوحدك هيضرب و الرقاب هتطير
و ان رحت مليون هيهرب و انت تبقى امير
رئيسنا واحد شهيد يحكم من التحرير
قصر الرياسة الجديد بصينية و مدور
****

منصورة يا مصر بجميلة خيام الخيش
بيحرقوها عشان تمشي فما تمشيش
يا مصر عمر ما في ثورة تقوم بشويش
و الملك .. ده اللي اديتيه للعسكري بقشيش
حق العيال اللي ماتوا في طابور العيش
وبنت عروها في الشارع
وشيخ ازهر

****

يا حاجة ياللي بتقري الكف و الفناجيل
اقري وشوش البشر عن مصر تلقي دليل
ده حقنا في مصر
مش هنسيبه للتساهيل
و ان قلتي نصبر يومين يبقى هنصبر جيل

اجلنا قبل كده... فادنا بأيه التأجيل؟
رمي الجثث في الزبالة في الضحى الأحمر
****

منصورة يا مصر بجميلة ولاد و بنات
بجميلة اللي اتحبس
بجميلة اللي مات
بجميلة التريقة و الضحك في الازمات
و دم فوق الرصيف ناقش صور و ايات
يا مصر ياللي انتصرتي في جمعتين و تلات
نفس العدو هو هو بس متنكر

****

الصبح طالع لقى دبابة فوق راسه
مربعة فوق رقبته و كاتمة انفاسه
و الشرق مقفول و ختم النسر ترباسه
قام خبى شمسه ووزعها على ناسه
على العيال اللي ماتوا غدر و انداسوا
بقى شرق في كل جسم و شمس بتنور

***

الشعب واقف و صدره للرصاص عريان
و الدولة خايفة و لافة نفسها في جدران
و زي ما الحاوي ممكن يخنقه التعبان
شوفوا حيطان السجون بتلف ع السجان
و الفالح اللي بيتهور على النسوان
ما شوفناهوش ع الحدود يعني بيتهور

***

كان للفراعنة اله قرد و اله تمساح
وللاله كهنة و عسكر يقف بسلاح
و خزنة متقفلة بالضبة و المفتاح
و قصر يشبه قصور الجمهورية براح
يا عيني ع الالهة بقوا فرجة للسياح
ياللي بنسر و سيفين فرحان و متكبر
الشمس تدعى الغزالة في اللغة
فأعلم
و بالغزالة المضيئة في السما بأحلم
غزالة ممكن تبين طبعها الوحشي
ما تغركمش الاسامي و رقة المبسم

دي شمس و اللي يكتفها ما يفلحشي

و مصر حالفة
هتتحرر
هتتحرر


m_ebead

الجنس : انثى عدد المساهمات : 3
تاريخ التسجيل : 02/02/2012

الرجوع الى أعلى الصفحة اذهب الى الأسفل

شعر عامية Empty رد: شعر عامية

مُساهمة من طرف Admin الجمعة 03 فبراير 2012, 9:04 am

و مصر حالفة
هتتحرر
هتتحرر
ان شاء الله مصر تتحر
كلمات معبرة يادكتورة
شعر عامية W6w20010
Admin
Admin
Admin
Admin

الجنس : ذكر عدد المساهمات : 3034
تاريخ التسجيل : 26/07/2011
المزاج المزاج : الله أكبر فوق الجميع

https://alshheidalmas.ahlamontada.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى