المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر


طريقة عمل قمر الدين في المنزل

استعرض الموضوع السابق استعرض الموضوع التالي اذهب الى الأسفل

طريقة عمل قمر الدين في المنزل

مُساهمة من طرف Admin في الثلاثاء 01 يوليو 2014, 12:25 pm


السلام عليكم
نظرا لغلاء قمر الدين السورى السنه دى(ب 40 جنيه اللفه فى اولاد رجب انا باغلي) بسبب احداث سوريا ( ربنا يفك كربهم يارب يارب)

قررت والتوكل على الله اعمله فى البيت وشفت فيديوهات كتير لطرق سهله وطرق صعبه وناس تحط سكر كتير وناس تحط عسل جلكوز باضحكحزينة ومكسوفة فجمعت من كل ده ونفزت وفعلا طلعت تجربه حلوه اوى بس اهم حاجه قبل الطريقه الملاحظات يا جماعه لان من غيرها الدنيا حتبوظ

الملاحظات :
1- الحله يستحسن تكون تيفال عشان المشمش بيلزق والمعلقه تكون خشب فى التقليب
2- النار لازم تكون هاديه والتقليب كل شويه عشان ميلزقش فى الحله
3- خليكى صبوره الموضوع بياخد وقت بس النتيجه تستاهل التعب
4- حنشيل الاكياس بعد كده فى الفريزر بعد ما يبرد
5- الحقى اشترى المشمش عشان خلاص بيودع فى السوق وهو سعره من 7 الى 9 جنيه على حسب المنطقه باضحك
نبتدى بسم الله المقادير :

4 كيلو مشمش يكون مستوى بس مش مهرى
1 وربع كيلو سكر ومتزوديش عن كده ( ممكن يبقى كيلو واحد )
عصير لمونه واحده بس

واسيبكم مع الصور والملاحظات معاها ان شاء الله
حنحط ال4 كيلو مشمش مع كيلو وربع السكر مع عصير اللمونه على النار مع ربع كوياية ميه لانه حينزل ميته

2- بعد حوالى 10 دقايق او اقل حتلاقيه جاب ميته


3-الصوره دى بعد حوالى ساعه الا ربع وتكونى قلبتيه قبلها بتاع مرتين تلاته كده
 I love you 
4- نرفع من على النار ونسيبه 5 دقايق يهدا وبعدين نضربه بالهاند بليندر كويس اوى ( لو ضربتيه كويس مش حيحتاج يتصفى زى ما انا عملت )

5-
حنرجعه على النار تانى وخلى بالكوا دى اهم مرحله متمشيش من قدامه وتقلبى كل دقيقتين لحسن يتحرق والنار تبقى هاديه والمرحله دى 10 دقايق بس لغاية ما يتقل لاحظى تقل ازاى


6-
حنعمل اختبار وده عرفته من الشيف احمد القاضى ربنا يباركله حنجيب طبق ونحط نقطه لو منزلتش ومسكت نفسها يبقى هو كده تمام ونقفل عليه ونسيبه يهدا

بعد ما يبرد شويه حنحطه فى اكياس انا عمل معايا 7 اكياس مركزين وشيليهم بعد كده فى الفريزر


الملاحظه الاخيره انا جربت كيس منهم كعصير حطيته فى الخلاط ومليت الخلاط ميه لغاية الاخر وزودتله معلقه واحده كبيره سكر على كل الكميه حيبقى مظبوط اوى اوى وبالهنا والشفا

منقووووووووووووووووول

_________________
  خالص تحيات


 مواطن مصري حر

  
avatar
Admin
Admin
Admin

الجنس : ذكر عدد المساهمات : 2998
تاريخ التسجيل : 26/07/2011
المزاج المزاج : الله أكبر فوق الجميع

http://alshheidalmas.ahlamontada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى