المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر


يــــــــــــــــــــــــــــــــارب وزير التربية والتعليم يأجل الدراسة

استعرض الموضوع السابق استعرض الموضوع التالي اذهب الى الأسفل

يــــــــــــــــــــــــــــــــارب وزير التربية والتعليم يأجل الدراسة

مُساهمة من طرف Admin في الأحد 22 سبتمبر 2013, 11:45 pm


صباح الفل والورد والياسمين بمناسبة ان النهاردة اول يوم فى العام الدراسي احب انقل لكم شعور وامنيات الاستاذ العلامة الفذ الذى لن ولم يجود الزمان بمثله الا وهو السيد المحترم اووى شمس الدين ابني

النهارده اول ما صحى راح على البلكونه وقال بصوت عالى كأنه مراسل حربي

صباح الخير النهاردة اول يوم فى الدراسة ( طبعاً بكل اسف كان بيتكلم )

يــــــــــــــــــــــــــــــــارب وزير التربية والتعليم يأجل الدراسة

قولو آمين

بعدين جه وقال لى : هو لازم اروح النهارده

ماحنا مش بناخد حاجه

ده اول يوم فوضى

قولت له انتوا اساساً كل يوم عندكم فوضى

قالى حلو جداً يبقا مروحش المدرسة

قولت له يا سلام وده حل امال هتتعلم ازاى

ركز شوية كده وقالى : طيب يارب يغيروا المستر بتاع الماث

لييييييييييه

اصله رخم

ااااااااااااه المستر هو اللى رخم ده حتى انت شاطر فى الماث

قالى طيب ياااااااارب يغيروا اليس بتاعة العربي ؟

ليييييه مالها هى كمان ؟

بتزعق وانا مش بحب الصوت العالى ؟

ياواد يا هادى لا وانت الحقيقه نسمة مش صوتك بيسمع جيران جيران جيران الجيران

لبس هدومه بيأس وقالى انا مش عااااااااااااارف فايدة المرواح للمدرسة كل يوم ايه ؟

قولت له : عندك حق

ناس فاضية وغاوية مشاوير

يلا علشان الوقت

نازل على السلم وعمال يدعي على السيسى لانه مالغاش المدارس



لسه فى ثانية ابتدائى وبيدعى المدارس تتأجل ولا تتلغي

لا وايه دعوته مستجابه اكتر من مرة يقول ياااااااااااارب يحصل مظاهرات وتيجى عند المدرسة والمدرسة تولع مثلا

اقول له حرام عليك علشان ماتروحشى المدرسة تولع فى البلد يقولى لا لما يعملوا حظر تجول الناس هتخاف تودى ولادها المدرسة

ولا هنروح بردو ؟؟؟

قولت له مانا مش نااااااااااااااس

_________________
  خالص تحيات


 مواطن مصري حر

  
avatar
Admin
Admin
Admin

الجنس : ذكر عدد المساهمات : 2998
تاريخ التسجيل : 26/07/2011
المزاج المزاج : الله أكبر فوق الجميع

http://alshheidalmas.ahlamontada.net

الرجوع الى أعلى الصفحة اذهب الى الأسفل

رد: يــــــــــــــــــــــــــــــــارب وزير التربية والتعليم يأجل الدراسة

مُساهمة من طرف Admin في الثلاثاء 24 سبتمبر 2013, 11:13 pm

شمس الناقد


قرأت كتاب لاحمد خالد توفيق
وسجلت اعتراضى من خلال نقاش مع نور على بعض النقاط
كان حاضر النقاش السيد شمس...

هو بيموت فى حاجه اسمها احمد خالد توفيق ومتصور معاه فى اكتر من مكان
حتى ان دكتور احمد يعرفه شكلاً ولما بيقابلة بيقوله مش انت بتاع السنجة وهات يضحك
المهم النقاش سخن بينا نور بيدافع عن احمد خالد توفيق
وانا اقوله يا ابنى انا بحبه وبشوف افكارة عبقرية بس كان لازم يعمل كذا فى قصة كذا
راح شمس قالى ايه
فجأة
تتميز انثى الدلو بالتناقض الشديد

طبعا انا بطلت كلام وضحكت
مش عارفه اعمل معاه ايه
بيقولى ازاى بتحبية وازاى بتقولى كده
الواد طلع صح ولا ايه
شكلى هعتزل الكلام بفكر اتعلم لغة الاشارة بسببه
***********


أمل زيادة

_________________
  خالص تحيات


 مواطن مصري حر

  
avatar
Admin
Admin
Admin

الجنس : ذكر عدد المساهمات : 2998
تاريخ التسجيل : 26/07/2011
المزاج المزاج : الله أكبر فوق الجميع

http://alshheidalmas.ahlamontada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى