المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر


شاهد تويتات حفيدة الهلباوي الشاهدة على موقعة الحرس الجمهوري

اذهب الى الأسفل

شاهد تويتات حفيدة الهلباوي الشاهدة على موقعة الحرس الجمهوري

مُساهمة من طرف Admin في الثلاثاء 09 يوليو 2013, 5:51 pm

شاهدت برنامج جابرالقرموطي الذي كان يستضيف ميرنا الهلباوي التي تنتمي لعائلة كمال الهلباوي المنشق عن جماعة الاخوان المسلمين
التي شهدت ان الحرس الجمهوري لم يعتدي علي المصلين ولكن الاخوان هم الذين ألقوا زجاجات الملوتوف وأطلقوا الأعيرة النارية والخرطوش علي الحرس الجمهوري
فدخلت علي صفحتها في التويتر لأعرف ميولها السياسية
فوجدت ما لم أتوقعة من بنت تقطن في حي من أحياء مصر الراقية واليكم بعض التويتات التي كتبتها سليلة عائلة الهلباوي الذي يهاجم الاخوان المسلمين في جميع القنوات

عينة مما كتبته حفيدة كمال الهلباوي





أقرأ باقي التويتات في هذا الملف المضغوط
المرفقات
الشاهدة مضغوط.zip (1.7 Mo) عدد مرات التنزيل 56
الشاهدة مضغوط.zip (1.7 Mo) عدد مرات التنزيل 47

_________________
  خالص تحيات


 مواطن مصري حر

  
avatar
Admin
Admin
Admin

الجنس : ذكر عدد المساهمات : 3001
تاريخ التسجيل : 26/07/2011
المزاج المزاج : الله أكبر فوق الجميع

http://alshheidalmas.ahlamontada.net

الرجوع الى أعلى الصفحة اذهب الى الأسفل

رد: شاهد تويتات حفيدة الهلباوي الشاهدة على موقعة الحرس الجمهوري

مُساهمة من طرف Admin في الثلاثاء 09 يوليو 2013, 6:34 pm

وهذه هي شهادة ميرنا على أحداث الحرس الجمهوري


[ltr] [/ltr]
فى أول الكلام، كل كلمة بتطلع منى لو فعلا بتساهم فى نشر الحقيقة فقبل ما تكون كلمة للناس هى كلمة منى قدام ربنا. وربنا شاهد على كلامى اللى شفته بعينى.
 
الساعة 4 وتلت او ونص مثلا – يعنى بعد صلاة الفجر بوقت  مش إثناء الصلاة ولا قبل الصلاة- سمعت اصوات خبط على عواميد النور بحديد وهتافات عالية جدا "الله اكبر الله اكبر" من الإعتصام اللى تحت البيت فى عمارات العبور، قمت بسرعة للبلكونة لقيت ناس بتجرى كتير عند بنزينة التعاون اللى قبليها على طول السور القصير اللى كان المعتصمين بنوه عشان يقفلوا بيه طريق صلاح سالم، فضلوا يجروا متجهين للبوابة الأولى لتأمين الإعتصام وشفت من بعيد مجموعات كبيرة جدا من داخلية "عمليات خاصة" غالبا وجيش وشرطة عسكرية كمان ومدرعات لكلا من الداخلية والجيش والظباط كسروا السور برجليهم وكملوا فى اتجاه الإعتصام.
مدرعات الداخلية والجيش وصلوا لحد مسجد الجمعية الشرعية اللى على ناصية يوسف عباس من عند صلاح سالم، شيخ المسجد فضل يكبّر فى الميكروفون. بدأ إطلاق القنابل المسيلة للدموع بكثافة فى إتجاه الإعتصام. رد المعتصمون فى الاول بالطوب والحجارة وفجأة سمعت صوت ضرب نار مش قادرة اميز خرطوش ولا حى بيتضرب والشرطة والجيش بيتراجعوا بسرعة جدا لبعد بنزينة التعاون واتضح ان الطلقات دى من جانب المعتصمين.
 
الشرطة والجيش جمعوا نفسهم تانى ورجعوا وبدأوا هما كمان إطلاق النار من جانبهم، الجيش والداخلية لم يحاولا اقتحام المسجد، الجيش ومدرعاته انتشروا حواليه بسبب المعتصمين اللى هربوا جوا. شوية والجيش بدأ بالقبض على كذا حد إخوان.
 
من اكتر المشاهد اللى علقت معايا بما إنى ساكنة فى دور عالى، كان شخصين تسلقوا سطح مسجد الجمعية الشرعية وفجأة الجيش حاصر المسجد وكان بيتم إطلاق النار على الجيش من فوق السطح. نسبة كبيرة من المعتصمين دخلوا المسجد واحتموا بيه اللى على حد قول شيخه مليان بالمصابين. كان فيه جوا المسجد نار مولعة، وشوية وطفوها وبعدين ولعت تانى واتطفت ومفهمتش دى من إيه ولا حصل إيه.
 
وصلت عربيات إسعاف كتير جدا، واخدوا كذا مصاب من جوه المسجد، المعتصمين فضلوا قافلين على نفسهم جوا المسجد وواقفين ورا الباب عمالين يهتفوا ضد الجيش والشرطة زى "تقدر تعمل كده فى كنيسة؟" و"إهجم إهجم إهجم" وبيهتفوا لزملائهم اللى تم اعتقالهم "اصمد يا بطل".
 
الجيش قبض على معتصمين كتير اوى كانوا مستخبيين ورا الجهاز المركزى للمحاسبات. سكان عمارات العبور كانوا فرحانين جدا بفض الإعتصام لإن المعتصمين كانوا بيفتشهم فى الطلعة والنزلة وحصلت كذا خناقة مع السكان ده غير ان الإخوان قفلوا طريق صلاح سالم نهائيا واللى سبب زحام شديد ولخبطة فى الطرق.
 
الإشتباكات فضلت لحد الساعة 8 او 9 الصبح تقريبا لحد ما الدنيا هديت خالص. نزلت واتمشيت مكان الإعتصام وفيه شاب من سكان عمارات العبور ورانى فوارغ طلقات وقنابل غاز من جانب المعتصمين.
 
من كلامى مع امن العمارات قالولى ان إمبارح بليل كان فيه عربيات جت نزلت كراتين وصناديق فيها اسلحة لكنها مش رواية اكيدة.
 
شيخ مسجد الجمعية الشرعية كان رهيب فى الكذب والتضليل فى الميكروفون، فضل يقول ان الجيش والشرطة هاجموا الناس وهى بتصلى وده مش صحيح، وفضل يقول ان الإسعاف مجتش على الرغم من وجود عربيات إسعاف كتير.
 
السى إن إن والبى بى سى واسوسييتد بريس وراديو مصر وديلى تيليجراف كلمونى واخدوا منى شهادتى بالإضافة لمداخلة مع دينا عبد الرحمن ومحمود الغيطى وقلت كل اللى فوق ده بالحرف.
السى إن إن لحد دلوقتى مانشروش شهادتى رغم انهم اول ناس اخدوها منى، والمفروض هبقى فى مداخلة معاهم عشان اقول شهادتى تانى.
 
ربنا شاهد على كلامى واللى شفته بعينى. ايا كان اللى حصل، ارجو من كل شخص عاقل قادر يوّقف حمام الدم اللى فى الشوارع ده ياريت وارجوه يتصرف.
 
لا شماتة فى الموت. الله يرحمهم جميعا.

_________________
  خالص تحيات


 مواطن مصري حر

  
avatar
Admin
Admin
Admin

الجنس : ذكر عدد المساهمات : 3001
تاريخ التسجيل : 26/07/2011
المزاج المزاج : الله أكبر فوق الجميع

http://alshheidalmas.ahlamontada.net

الرجوع الى أعلى الصفحة اذهب الى الأسفل

رد: شاهد تويتات حفيدة الهلباوي الشاهدة على موقعة الحرس الجمهوري

مُساهمة من طرف مودي في الجمعة 05 سبتمبر 2014, 7:53 am

" />


[img][/img]

_________________

avatar
مودي
عضو مميز
عضو مميز

الجنس : ذكر عدد المساهمات : 480
تاريخ التسجيل : 01/01/2012
المزاج المزاج : كويس

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى