المنتدى المصري الحر

مرحبا بك زائرنا الكريم في منتداك مستفيدا ومفيدا الرجاء التسجيل أو الدخول
يـــــــــــــارب احفظ مـــــــــصر


الحلويات

استعرض الموضوع السابق استعرض الموضوع التالي اذهب الى الأسفل

الحلويات

مُساهمة من طرف مودي في السبت 05 مايو 2012, 12:43 am


البــسبوسة
المقادير:
نص علبة جوز هند __1.5 علبة سكر _ 2 علبة قشطة _ 3 علبة سميد بسبوسة _ 1 علبة سمن _ 1م ص بيكنج بودر
الطريقة:
حطى المقادير كلها على بعض و بالملعقة الخشب افضلى ادعكى فيها لحد ما
تلاقيها نعمت ،ادهنى صينية البسبوسة (اللى ملهاش حفة عالية اللى زى بتاعة
البيتزا) بالسمن بالفرشاة ثم ضعى المقدار فى الصينية و بلى ملعقة و امسحى و
جة البسبوية عشان تساويها و تدخليها فى الفرن وممكن تضعى شوية لوز فى ماء
ساخن لحد ما القشرة البنى بتاعتة تتقشر على طول . افتحى كل لوزة بالطول من
النص و ر صصى الانصاص على وش البسبوسة او ممكن انصاص بندق برضة و دخليها
الفرن اول ما لونها يبقى ذهبى طلعيها و اسقيها بالعسل الساخن و غطيها على
طول ..كل المقدار بنفس العلبة بتاعة القشطة مش بالكوب قشطة المراعى او بوك
او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على
طول .وسيبى الغطاء عليها طول ما بتاكلوا منه السر فى طراوة البسقبله
هوانالشر بات ساخن على الصينيه وهىكمان ساحنه ولما تبرد قطعيها وماتشليش
الغطاء من عليها الا لما تهدا خالص او تبرد لانها لما بتعرق و هى سخنة
بتطرى اكتر

طريقة أخرى:
المقادير:
واحد كوب سميد سايب+واحد كوب جوز هند+واحد كوب سكر+بيضتان +باكو
فانيليا+علبة ونصف زبادى +ملعقة صغيرة بيكنج باودر+نصف كوب سمن سائح ..
الحشو: علبة قشدة+واحد ونصف كوب حليب+3 ملاعق نشا
الطريقة:
(تخلط جميع المقادير حتى تتجانس) نضع كوب الحليب على النار ونصف الكوب نذوب
فيه النشا ونصبه على كوب الحليب اللى على النار ونقلب حتى يكون شبه سميك
ونغلق ثم نضيف علبة القشدة ونقلب ونأتى بالصينية وندهنها سمنة ونرشها دقيق
ونضع نصف كمية البسبوسة ثم الحشوة ثم باقى البسبوسة وفى الفرن حتى تستوى
وتحمر تصير ذهبى نقوم بسرعة نضيف لها الشربات الساخن ونغطى الصينية بالفويل
لمدة لا تقل عن نصف ساعة

لقمة القا ضى
المقادير:
2 كوب دقيق _1 ملعقة صغيرة سكر _¼ كوب زيت _ ملعقة كبيرة خميرة فورية _ كوب
زبادى _1 بطاطس صغيرة مسلوقة و مهروسة _ زرة ملح _ زيت للقلى _ شربات قليل
من الماء.
الطريقة:
جهذى المضرب الكهرباء و ضعى فى طبق غويط بلا ستيك الدقيق، الملح، السكر
والخميرة. و اخلطيهم مع بعض بالملعقة.. حطى عليهم الزيت ,و الذبادى و
البطاطس،و شوية شوية ماء وشغلى الى ان تحصلى على عجينة طرية.غطى العجينة
واتركيها فى مكان دافئ لمدة ساعة تقريبا ليتضاعف حجمها. . سخنى زيت فى
مقلاية عميقة. بملعقة صغيرة بليها بزيت ثم خدى من العجينة بالملعقة يادوب
كرة صغيرة ثم ضعيها فى الزيت الساخن قلبى بالكبشة لحد ما تصفرحطيها فى
مصفاة تصفى منها الذيت ثم حطيها فى العسل البارد ..ملحوظة : اذا كنتى مش
حتستعملى خميرة فورية و حتستخدمى خميرة بيرة عادية يبقى ضعى الخميرة و
السكر و ربع كوب ماء دافىء فى كوب و قلبيهم بالملعقة وسيبيهم شوية يخمروا و
بعدين اتبعى نفس الطريقة اللى فلنا عليها

كيكة الشيكولاته والقرفة
المقادير:
2.5 كوب دقيق-2 ملعقة زبدة-1 كوب سكر-5 بيضات-3/4 كوبلبن-3ملاعق كبيرة كاكاو-2 ملعقة صغيرة قرفة-1 ملعقة بيكنج بودر- شربات
الطريقة:
يخفق الزبدة + السكر جديا حتى يصبح ناعم وفانح اللون زى الكريمة-يخفق البيض
لوحده جيدا ثم يضاف للسكر والزبده المخفوقة ويمزج جيدا ثم يضاف اللبن-ينخل
الدقيق والكاكاو والقرفة والبيكنج بودر ويضاف للخليط بالتدرج ( يعنى مش
نحط كله مرة واحده ) مع التقليب البطئ وفى اتجاه واحد عشان الهوا اللى فى
العجين ميخرجش ملحوظة: عشان تحصلى على نتايج حلوة يستحسن تخلطى السكر
والزبده بالايد وتضربى البيض بالمضرب الكهربا وتقلبى العجين بعد وضع الدقيق
الملعقة الخشب وببطئ يوضع فى صينية مدهونه زبده او زيت ودقيق وفى فرن سابق
التسخين متوسط الحرارة لمدة 25 دقيقة بعد ما تخرج نسيبها تهدى شويه عشان
نعرف نطلعها من الصينية من غير ما تتهرى وتتقطع لانها لو اتقلبت وهى سخنه
هتبوظ لما نقلبها هتلاقى الجزء اللى كان فى قعر الصينية مسامى نسقيها
بالشربات ولو عايزه تزوقيها بالكريمة لما تبرد والله طعمها زى الجاتوه

الكيك
المقادير لعمل 3قوالب كيك طويلة:
1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر
الطريقة:
فى الخلاط اضربى الذبدة كويس قوى حوالى 5 دقائق ضعى السكر على الذبدة و
اضربى لحد ماتلاقيها بقيت خفيفة و هشة ضعى عليهم البيض واحدة لحد ماتختفى و
بعدين نضع التانية وهذا لحد اخر بيضة نضع معاها الفانيليا لحد ما تلاقى
العجينة ما شاءالله تخنت و زادت اطفى الخلاط ضعى البيكنج بودر على الدقيق و
حطية شوية شوية على العجينة و يكون الخلط بالراحة قوى و فى اتجاة واحد فقط
صبى العجينة فى القالب المدهون الى 3/4 القالب وتكونى مولعة الفرن قبلها
ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد
ماتلاقيها عليت و مسكت و استوت طبعا بطرف السكينة خرجيها و اقلبيها على
منخل سلك و سيبى القالب فوقها لحد ماتبرد طريقة حفظ الكيكة ؛ قطعى قالب
للاستخدام فى علبة بلاستيك باقى القوالب لفى كل قالب لوحدة بالفويل و ضعية
فى الفريزر و عند الطلب علية خرجية من الفريزر قبلها بساعتين حيكون كأنك
لسة عملاة

صينية الكنافة بالمكسرات
المقادير:
كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة
سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _
نص ليمونة
الطريقة :
اما تقطعى الكنافة صغير بأيدك قطع صغيرة .او بالمقص تقصقصيها صغير خالص و
دى طريقتى المفضلة . او فى الكبة .سيحى السمن على النار يعنى يادوب تسيح
.وحطى على الكنافة شوية شوية وتدعكيها بأديكى الاتنين لحد ما تحسى ان
الكنافة كلها بقيت مبلولة سمنة كدة خلاص ماتحطيش تانى .ادهنى صينية بالسمن و
حطى نص الكنافة ثم ضعى طبقة المكسرات المرغوبة ثم ضعى باقى الكنافة و اهم
حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن
على الوش على درجة حرارة متوسطة فى الرف الوسط ضعى الصينية فى الفرن حتى
تستوى و يحمر الوجة بعدخروجها من الفرن تسقى بالشراب البارد

كنافة بالقشطة
المقادير:
نص كيلو كنافة – تقريبا 3/4 كوب سمن +القشطة : كوبيتين ونص حليب – سكر للتحلية – نص كوباية نشا- علبة قشطة +شربات
الطريقة:
نعمل القشطة :ندوب الاول النشا فى الحليب على البارد لحد ما تدوب النشا ثم
نضعهم على النار مع التقليب و نحلى بالسكر لحد ما تغلى نقلب تقليبتين ونطفى
النار وبعدين نحط عليها علبة القشطة ونقلبها معاهم نعمل الكنافة : نقطع
الكنافة قطع صغيرة ممكن بايدك وممكن بالمقص وممكن بالكبة نسخن السمنة بس
يعنى تسيح وتدفى على النار وبعدين نصبها على الكنافة ونقلبها كويس لحد ما
تحسى بأيدك ان الكنافة كلها شربت سمنة او اتبلت كويس بالسمنة تروحى حاطة
نصها فى صينية وتروحى حاطة عليها القشطة وتفرديها كويس على الكنافة لكن
ضرورى ما تخليش القشطة توصل لاطراف الصينية علشان ما تتحرقش و تسود وبعدين
تروحى حاطة نص مقدار الكنافة التانى فوق القشطة وتغطيها كويس وتحطى حوالى
معلقة سمن سايحة على الوش وتدخليها الفرن المتوسط الحرارة لحد ما تستوى
ووشها يحمر حوالى من تلت لنص ساعة وبعد ما تخرج من الفرن وهى ساخنة نسقيها
بالشرابات

كنافة جاهزة (بالمكسرات)
المقادير:
كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
الطريقة:
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة
بالسمن السائح بطول الخصلة . ثم ضعى صباعك الكبير التخين على اول الخصلة و
ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك
دائرة بشكل عش العصفور و هكذا حتى تعملى العدد اللى انتى عوزاة مع مراعاة
ان الخصلة اذا كانت طويلة قوى تقطعيها بالسكينة ثم ارص وحدات العش فى صينية
مدهونة بالسمن و بايدى اضع داخل كل عش كام واحدة فستق او شوية مكسرات امسح
بالفرشاة بالسمن على كل وحدات العش و ادخلها الفرن لحد ماتحمر اخرجها و
اسقيهم بالشراب البارد

طريقة الكريم شانتى
اذا كنتى حتعمليها بودرة يبقى اتبعى التعليمات اللى على العلبة او هاتى نص
كيلو كريمة لبانى من بتاع اللبن او علبه قشدة الخفق من السوبر ماركت صبيها
فى طبق غويط و بالمضرب الكهرباء ابدئى بالضرب و ضعى سكر بودرة حسب الطعم
واضربى على سرعة متوسطة لحد ما تلاقى الكريمة ذادت و بفيت خفبفة و هشة زى
الايس كريم او زى القطن لازم توقفى المضرب على طول لحسن حتلاقيها فصلت منك
وهكذا تكون صالحة للاستخدام بس حطيها فى الثلاجة

المهلبية
المقادير:
2 كوب لبن بارد _ ملعقة كبيرة مليانة نشا (كورن فلور) _ السكر حسب التذوق يعنى مثلا 3 معالق _ ربع معلفة فانيليا
الطريقة:
خدى من اللبن نص كوب و قلبى فية النشا لحد ما تذوب ضعى باقى اللبن على
النار و حلية بالسكر لحد مايغلى ضعى اللبن الباقى بالنشا و خلى ايدك سريعة
فى التقليب عشان ما تكلكعش لحد ما حتلاقيها مسكت شوية و بقيت ناعمة صبيها
فى الكاسات وممكن تزوقيها بالذبيب و رشة قرفة ناعمة او بالمكسرات المفرومة .

طريقة للتقديم :بعد ماتخلصى المهلبية و تبرد فى الثلاجة .. هاتى باكو جيلى
احمر او اخضر ذوبية على النار بكوبيتين ماء لحد ما يغلى و يبرد كويس تطلعى
كاسات المهلبية من الثلاجة و تصبى فى كل كاس جيلى فوق المهلبية وتدخلية
الثلاجة لحد ما الجيلى يجمد عند التقديم بيبقى شكلها حلو قوى

المهلبية فى الفرن
بعد ماتخلصى المهلبية و قبل وضعها فى الثلاجة صبي المقدار فى اطباق بايركس
صغيرة او فويل او طبق بايركس كبير ضعى على وش المهلبية ذبدة سايحة حوالى
ملعقة كبيرة و رشى عليها رشة سكر بودرة و دخليها الفرن حتلاقيها بتغلى
سيبيها خالص لحد ما وشها يحمر خالص و طلعيها .

مهلبية بدقيق البسبوسة
المقادير:
نص كوب دقيق البسبوسة (سميد ناعم ) +6 كوب حليب+3/4 كوب سكر +معلقة كبيرة نشا+علبة قشطة – م ك فستق مفروم
الطريقة
نغلى اللحليب (ماعدا نص كوب نركنة )على النار و نضع علية السكر ونقلب لحد
ما السكر يدوب نزوب النشا فى نص كوب الحليب اللى كنا راكنينه لحد ما تدوب
تماما نضيف النشا بالحليب الى الحليب بالسكر اللى على النار و نقلب نقلب
بسرعة نضع السميد على الحليب على النار بس وطى النار لمدة 5 دقايق تقريبا
شيليها وصبيها فى طبق بايركس و سويها كويس بالمعلقة ودخليها الفرن متوسط
الحرارة حوالى عشر دقايق بعد ما تطلعيها من الفرن خليها تبرد و بعدين ادهنى
الوش كله بطبقة من القشطة ورشى الوش بشوية فستق مفروم.

مهلبية بالكراميل
المقادير:
كيلو حليب +4 معالق نشا+سكر للتحلية+فانيليا+2 باكو بسكوت سادة+مكسرات- فاكهة
الطريقة
ندوب النشا فى شوية حليب صغيرين نضع الحليب على النار لحد ما يغلى ونضيف له
النشا الزائبة والسكر والفانيليا لحد ما تتكون عندك المهلبية نضع بسكوتة
بسكوتة فى الكراميل ثم نرصصه فى طبق التقديم بجانب بعض ثم نضع فوقه طبقة من
المهلبية ونسويها كويس ثم نضع طبقة من البسكويت ثم طبقة من المهلبية وهكذا
لحد ما ينتهى المقدار بس تكون اخر طبقة مهلبية ثم نرشرش علية شوية كراميل
والمكسرات وبعض قطع من الفاكهة نضعة فى الثلاجة لمدة مش اقل من ساعة لحد ما
يجمد ونقدمه بارد وبيكون زى التورتة..الكراميل يكون سائل علشان انتى
حتغطسى فية البسكوت يعنى مثلا ممكن تحطى كوب سكر على النار على معلقة صغيرة
عصير ليمون ولما لونة يحمر نضيف كوب ماء لحد ما يغلو وبالنسبة للبسكوت زى
ما قلنا قبل كدة بنستعمل بسكوت الشاى بسكو مصر

المهلبية بالمانجا
المقادير:
4 كوب حليب+كوب سكر+كوب عصير مانجو+3 معالق نشا+معلقة صغيرة فانيليا
الطريقة
نضع الحليب على النار مع السكر لحد ما يغلى يذوب النشا فى شوية حليب او ماء
صغيرين ثم اضعها على باقى الحليب شوية شوية واقلب جامد وبسرعة لحد ما
الحليب يغلى اضع عصير المانجو على الحليب واقلب لحد ما يغلى ثم اوطى النار
لمدة 5 دقايق ثم اضع الفانيليا واقلب تقليبة ثم اشيله من على الناراغرفة فى
الكؤس وممكن تزوقى الوجة بالمكسرات

المهلبية بالفراولة
المقادير:
4 كوب حليب+كوب سكر+كوب عصير فراولة+3 معالق نشا+معلقة صغيرة فانيليا
الطريقة
نضع الحليب على النار مع السكر لحد ما يغلى يذوب النشا فى شوية حليب او ماء
صغيرين ثم اضعها على باقى الحليب شوية شوية واقلب جامد وبسرعة لحد ما
الحليب يغلى اضع عصير الفراوله على الحليب واقلب لحد ما يغلى ثم اوطى النار
لمدة 5 دقايق ثم اضع الفانيليا واقلب تقليبة ثم اشيله من على الناراغرفة
فى الاطباق او الكؤس وممكن تزوقى الوجة بالمكسرات

المهلبية بالمشمش
المقادير:
4 كوب حليب+كوب سكر+كوب عصير مشمش+3 معالق نشا+2 معلقة كبيرة ماء ورد( اختيارى)
الطريقة
نضع الحليب على النار مع السكر لحد ما يغلى ازوب النشا فى شوية حليب او ماء
صغيرين ثم اضعها على باقى الحليب شوية واقلب جامد وبسرعة لحد ما الحليب
يغلى اضع عصير المشمش على الحليب واقلب لحد ما يغلى ثم اوطى النار لمدة 5
دقايق ثم اضع الماء ورد واقلب تقليبة ثم اشيله من على النار اغرفة فى
الاطباق او الكؤس وممكن تزوقى الوجة بالمكسرات

الكريم كراميل
المقادير:
اولا : الكريم : 4 اكواب حليب _8 بيضات _3ملاعق كبيرة سكر_2 كيس فانيليا
الكراميل : ك كبير سكر _ م ص ماء _ قوالب صغيرة
الطريقة:
نبل القوالب اللى حنحط فيها الكريم كراميل من الداخل و نكب الماء الزائد
لعمل الكراميل نضع السكر فى مقلاية وعلية الماء ونقلب لحد مانلاقى السكر
بدء بصفر ثم بدء يبقى بنى فاتح ثم بنى غامق نشيلة و نصبة على طول فى
القوالب المبلولة بارتفاع 1 او 2 سم
لعمل الكريم:ندفى اللبن مع السكر على النار و نطفى النار ثم نضع علية البيض
المضروب والمضاف له الفانيليا و نضربه كويس بالمضرب السلك اليدوى او
الكهرباء .نصبة فى القوالب على الكراميل ونرصص القوالب فى صينيه كبيرة بها
ماء لربع ارتفاع القوالب فقط علشان لما الماء يغلى ما يخشش فى القوالب
يبوظها ونضع الصينية على النار حوالى ساعة او لحد ماتلاقى الكريم كراميل
مسك نفسه اشيله من على البوتجاز و ادخلة الفرن لحد ما يكمل سوى ووشه يحمر
نطلعة و نحطه يبرد فى الثلاجة و عند التقديم نمسك القالب بايدنا وفوقه طبق
مقلوب ونهز القالب لحد ما يتقلب فلى الطبق حيبقى الكريم تحت و الكراميل فوق
.

كريم كرامل بالبخار
المقادير
5بيضات+كوب حليب بودره+3كاسات ماء وفانيليا , برش ليمون+كوب سكر+علبة قشطه+5حبات جبنة كيري+سكر محروق لقاع الصينيه
الطريقه
يوضع السكر المحروق في قاع الصينيه خدي البيض واخفقيه بالمضرب مع السكر
والفانيليا وقشر الليمون ثم اضيفي الحليب البودره والقشطه والجبنه واخيرا
الماء اسكبي الخليط في الصينيه قومي بغلق الصينيه بالقصدير وقومي بوضع
الصينيه في قدر المنتو عبي الطبقه السفليه بالماء وضعي الصينه في الطبقه
المخرمه تترك اى ان تضج ثم تتدخل التلاجه لتبرد جيدا ثم تقدم بالعافيه اذا
ماكان عندك القدر هذا سوي حمام مائي بحيث تدخل الصينيه في قدر به ماء دون
ان يلامس الماء وغطي القدر بالغطاء

كيكة شوكولاته
المقادير:
3بيضات+1و ربع كوب سكر+كوب الا ربع زبده ( 113جرام)+نصف كوب كاكاو +1ونصف كوب دقيق+2علبة زبادى كبير+2 كيس فانيليا+1 كيس بكنج باودر
الطريقه:-
بالمضرب الكهربا اضربى البيض مع السكر والزبده كويس ثم أضيفى (الدقيق
المخلوط مع البكنج باودر والكاكاو)تدريجيآ مع الضرب المستمر وفى الآخر ضعى
الزبادى واضربى بردوا لغاية ما يتخلط الخليط كويس ادهنى صينيه بالسمن او
الزبد وبطنيها بالدقيق ثم ضعى الخليط وساويه بالملعقه لأنه تقيل ضعيها فى
فرن 180 درجه فى الوسط لمدة نص ساعه تقريبآ,ثم تأكدى انها استوت بوضع خله
فيها اذا خرجت نظيفه تبقى استوت,اخرجيها من الفرن وسيبيها تهدا خالص وتبرد
ثم اقلبيها من الصينيه
الصوص:-
نصف اصبع زبده+نصف قالب شوكولاته خام كبير(يعنى حوالى 300 جرام
شوكولاته)+لبن أو حليب حوالى 7-8 ملاعق كبار ويوضعوا فى حمام ماء على النار
لغاية ما يسيح وتقلبى الى ان يمتزجوا مع بعض وممكن ضيفى لبن شويه شويه لو
عايزا الصوص يخف وبعد كده يصب الصوص عليها ويرش عليها البندق المجروش وممكن
تؤكل دافئه

طريقة أخرى لكيكه الشيكولاته
المقادير:
2 كوب دقيق +ملعقه كبيره بيكنج بودر +نصف ملعقه صغيره بيكربونات+كوب ونصف
سكر +كوب زبده أو زيت ذره+كوب ونصف حليب+6 بيض + فانيليا+6 ملاعق
كاكاو...للوجه: بندق أو كريم شانتي أو شيكولاته مبروشه أو لوز مقشر ومحمص
الطريقة:
في دورق الخلاط نخلط اللبن والسكر والزبده أو الزيت والفانيليا
والكاكاو،بعد الخفق نحجز ( كوب ونصف ) من الخليط نضع البيض في الخلاط مع
باقي الخليط و نخفقه أيضا .. ونسكبه في طبق غويط للعجن نعجن الدقيق ومعه
البيكنج بودروالبيكربونات بالملعقه في إتجاه واحد ..حتي تحتفظ الكيكه
بالهواء داخلها ..نضع خليط الكيكه في صينيه مقاس 30 مدهونه بالزيت ومرشوشه
بالدقيق ونخبزها بعد تمام تسوية الكيكه .. نقلبها في سرفيس للتقديم،نخلط
نصف كوب حليب ونصف كوب ماء + ملعقه كبيره كاكاو + 2 ملعقه كبيره سكر ونسقي
بها الكيكه عندما تبرد نضع علي الوجه الخليط المحجوز من الخلطه( الكوب
والنصف ) ونفردها علي سطح وجوانب الكيكه .. نزوق بالبندق أو اللوز المحمص
أو الشيكولاته المبشوره أو الكريم شانتي ممكن عمل نصف المقدار

الارز باللبن
المقادير :
6كوب لبن _ 9 ملاعق ارز _ السكر حسب التزوق _ملعقة كبيرة جوز هند _او نص
ملعقة صغيرة فانيليا _ زبيب او مكسرات مفرية او قرفة الزواق دة لزوقك و
لرغبتكم .
الطريقة:
اغسل الارز و احطة على النار وعلية ماء مغطياة ب 2سم وعلى نار هاديه حتلاقية استوى او يقرب للسوى و يكون شرب الماء
اضع علية السكر حتلاقية داب اسرع ثم اضع اللبن مع التحريك المستمر علشان
مايفورش و ظبتى تانى السكر هاتى ربع كوب ماء و زوبى فية 2 ملعقة كبيرة نشا
كويس و انزلى واحدة واحدة على الارز باللبن و بأيدك التانية بتقلب لحد ما
تلاقى الارز بدء يتخن ضعى الجوز الهند وقلبى و اطفى النار و اغرفية و كل
مايبرد حيمسك نفسه شوية كمان بعد ما يبرد ضعى الغطاء البلا ستيك و عللى
الثلاجة و بالهنا و الشفا
ملحوظه: مقدار اللبن زى ماانتى عاوزة يعنى حتعملى كوب حتعملى اتنين حتعملى كيلو حتحطى مقدار الارز زى ما فهمنك.

التشيز كيك
المقادير:
2 باكو بسكوت شاى الاربعه و عشرين قطعة _ باكو زبدة 113 جرام _2كيس كريمة
_باكو جيلى دايب فى 2 كوب ماء و بارد_ يا اما 2 علبة جبنة فيلاديفيا او
كيرى _ مربى(( لو استخدمتى الجيلى لون احمر مثل الفراولة مثلا يبقى تستعملى
المربى نفس النوع
الطريقة
اضربى الذبدة كويس قوى لوحدها بالمضرب حد ماتبقى هشة قوى ضعى عليها البسكوت
المطحون لحد ما يندمجوا مع بعض هاتىالصينية اللى بيتشال قعرها وادهنى
الاول بنقطة واحدة زيت و اكبسى فيها قوى البسكوت بالذبدة و دخليها الفريزر
لمدة ساعة
فى سلطانية مقعرة اضرب الجبنة مع التخفيف بقليل قليل من الماء لحد ماتبقى
خفيفة يا لاروز و ناعمة اضع الكريمة على الجيلى و اضربهم مع بعض ثم اضع
عليهم الجبنة المضروبة و اخلط كله ثم اصبها على البسكويت و ادخلها الفريزر و
يا سلام لو الزواق بتاعها يبقى من نفس نوع المربى و الجيلى و بالهنا و
الشفا .

مثلثات البقلاوة بحشوة جميلة
المقادير:
باكو جلاش ( انا بفضل الزهار ) الحشوة:2/11 كوب حليب _ 1/2 كوب سميد ( دقيق بسبوسة )_ علبة واحدة قشطة .
الطريقة:
ضعى الحليب على النار لحد ما يغلى اول ما يغلى اضع علية السميد واقلب اقلب
بسرعة لحد مايبقى زى المهلبيةو اتركة يبرد اضع علية علبة القشطة و اقلب لحد
ما يندمجوا معا . وممكن بدل القشطة احط كريمة لبانى ( قشدة الخفق ). ثم
ابدأ فى حشو البقلاوة افرد الجلاش امامى و اقطعه بالطول من النص يعنى كأنى
بقسم الورقه نصين بالطول ثم اقطع بالعرض لحد مايبقى عندنا 6 مربعات ابدء
بافرشاة بالسمن ادهن بين كل ورقتين لحد مااتأكد انى دهنت بين الورق كلة اخد
مربع متكون من 6 او سبع ورقات و احط على المربع معلقة كبيرة من الحشو ثم
اثنى المربع من الطرف للطرف على هيئة مثلث وهكذا لحد مانخلص المربعات كلها
اضعهم فى صينية مدهونة و ادهن و جه المثلثات دهن خفيف و ادخلها الفرن لحد
ما يحمروا وتسقى بالشراب البارد

صينية البقلاوة
المقادير:
باكو جلاش _ مكسرات مجروشة او مفرومة حسب ما بتحبيها ناعمة قوى او محسوسه فى الاكل _ سمن _ شربات _ زرة قرفة ناعمه
الطريقة :
طلعى الجلاش من الباكو و حطية امامك على الرخامة ثم ضعى فوقه الصينية اللى
حتعملى فيها . بالسكينة اقطعى داير ما يدور الصينية و اركنى الذيادات على
جنب حنستخدمها برضه اقسمى المقدار لجزئين ادهنى الصينية بالفرشاة سمن ضعى 2
ورقه فى الصينية و ادهنى كويس بالسمن وهكذا لحد ماتخلصى الجذء الاول ضعى
المكسرات فى طبق و حطى علية 2ملعقة كبيرة عسل من اللى حنسقى به الصينية و
اخلطيهم حتلا قيهم عمل زى العجينه و مسك فى نفسة شوية ثم ضعى الحشوة على
الجلاش اللى فى الصينية و افردية كويس حنعمل نص الصينية التانية بنفس
الطريقة الاولى بالفرشاة ندهن الوش كويس بالسمنة ثم بسكينة حامية نقطع
الجلاش على هيئة مثلثات وللسهولة تعملى الاول خط بالطول ثم خط بالعرض حيبقى
عندك شكل + ثم نعمل خطوط حتلاقى المثلثات بانت حطيها فى التلاجة من ربع
لنص ساعة و بعدين حطيها فى الفرن لحد متحمر مش قوى تطلعيها و تسقى بالشراب
البارد ..ملحوظة/ سبب وضعنا عسل على الحشوة علشان و انتى بتاكليها الحشو
مايقعش منها . وممكن تحطى الحشو على طول بدون الخطوة 4 زى مانتى عوزة جربى
دى و جربى دى و اللى يعجبك اعملية / بالنسبة للورق الزيادات ممكن توزعية
عشوائى بين الطباقات تبقى الصينية مورقة اكتر و ممكن تلفية تانى و تتشلية
فى الفريزر تعملى بيه ام على

السويسرول
المقادير:
5 بيضات+3/4 كوب سكر+3/4 كوب دقيق . زرة ملح+معلقة صغيرة فانيليا +معلقة صغيرة بيكنج بودر+مربى مشمش او فراولة
2 فرخ ورق ذبدة
الطريقة
نضرب البيض بالمضرب الكهرباء لحد ما تلاقية بقى هش و فية رغاوى .نضع
الفانيليا.نضع السكر شوية شوية على البيض واحنا بنضرب لحد ما تشوفى تخانتة
كانك حطة علية دقيق.ينخل الدقيق ويضاف له البكنج بودر وزرة الملح
..بالمعلقة الخشب نضع الدقيق على الخليط ونقلب بالراحة شوية شوية فى اتجاة
واحد ولعى الفرن و خلية جاهز على حرارة متوسطة. ندهن صينية طويلة بدون حواف
بالسمن . نقص ورقة الذبدة على اد الصينية مع ترك 1سم من كل جنب ثم نضع
الورقة على السمنة اللى دهننها فحنلاقى الورقة لذقت فى الصينية و ندهن
الورقة كويس بالسمن.ويصب فوقها الخليط على ان تكون سمك الخليط 1سم
تقريبا.يوضع الصينية فى فرن متوسط الحرارة لمدة عشر دقائق او ربع ساعة
بالكتير حتى يحمر السطح جهزى على الرخامة ورقة الذبدة التانية افرديها
امامك و رشى عليها كلها شوية سكر بودرة.يعد ماتطلع الصينية من الفرن
اقلبيها على الورقة المرشوشة بالسكر و اشيل الصينية من فوق الكيكة و اشيل
بالراحة الورقة اللى لزقة فى الكيكة و الف السويسرول على الفاضى بالورفة
اللى تحته لمدة 10 دقائق نخفف المربى بوضعها فى مقلاية على نار هادية لفة
واحدة حتلاقيها بقيت ناعمة و كدة حتكون سهلة الفرد نفك السويسرول و
نفردعلية المربى مع ترك 1/2 سم من الاطراف وممكن وضع خط واحد بالعرض على
الطرف اللى ناحيتك مكسرات على اساس ان المكسرات كأنها فى المركز عند
التقطيع الف السويسرول و اقفل الاجناب كويس و اضعة فى الثلاجة حوالى ساعتين
لما يطلع افك الورقة واقطع القطعة الفاضية من كل جنب و اما ارش الوش
بالسكر البودرة او افرش طبقة خفيفة من المربى على السويسرول و ادحرج
السويسرول على ورقة عليها مكسرات فحتمسك على طول فى المربى

كيكة جوز الهند
المقادير:
2 بيضة _ كوب و ربع جوز هند _كوب لبن _1/2كوب سمن _2 كوب دقيق _ كوب سكر _
فانيليا _ 2 معلقة صغيرة بيكنج بودر .عسل (2 كوب سكر _ 1/12 كوب ماء _نص
ليمونة .
الطريقة:
نعمل العسل الاول و نسيبة يبرد نضرب السمن كويس بالمضرب الكهرباء مع السكر
لحد ماتلاقيهم ابيضوا و هشوا اضيف لهم البيض بيضة بيضة مع الفانيليا نضع
الجوز الهند ( كوب) نضع البيكنج بودر على الدقيق و نضع على العجينة شوية
حليب و شوية دقيق و هكذاشوية حليب و شوية دقيق لحد مانخلصهم هما الاتنين
ندهن الصينية بالسمن و نرشها دقيق و نقلبها نخبطها علشان بقيت الدقيق ينزل
ندخلها الفرن متوسط الحرارة لحد و شها ما يحمر نخرجها و نسقيها بالعسل
البارد يعنى هى سخنة و العسل بارد نرش الوش كلة بالجوز الهند و تقطع مثلثات


البسطا فلورا
المقادير :
2.5 إلى 3ك دقيق+3 بيضات+ك سمن +ك سكر ناعم+مربي للوجة اى نوع و لكن بيفضل مربى مشمش+ملعقة صغيرة بيكنج بودر+فانيليا
الطريقة:
يضرب السمن جيدا ثم يضاف له السكر ويستمر في الدعك حتي يصبح هشا .اضع البيض
و الفانيليا و نضرب كويس جدا.يضاف الدقيق بالبيكنج بودر الي المقدار و
تعجن حتي ينتهي المقدار وتصبح عجينة ماسكة نفسها و طرية يسهل فردها .( حنحط
الاول ال2كوب دقيق و نذود شوية شوية ممكن تكتفى ب 2 وممكن 2 و نص و ممكن
ال3)نحتفظ بقطعة عجينة لوحدها على جنب.قد اليوسفى.تدهن صنية بالسمن وتفرد
العجينة فيها مع رفع الجوانب علشان لما نحط عليها المربى ما تطلعش من
الجناب و تتحرق .تضع المربي بحيث تغطي سطح العجينة تماما.ناخد قطعة صغننة
قوى من العجينة اللى احنا راكننها على جنب. ونحطها على الرخامة امامنا و
بايدينا الاتنين نبرم فيها لحد ماتبقى عصاية رفيعة مبرومة اشبلها بالراحة و
اضعها على المربى . وهكذا لحد ما اعمل شرايط بالعرض و بالطول و حيبقى شكل
وش الصينية النهائى على هيئة مربعات.ملحوظة اذا لقيتى العجينة و انتى
بتبرميها الصوابع الطويلة بتتقطع يبقى رشى شوية دقيق الاول و حطى عليها
حتتة العجينة و بعدين ابرمى .نحط الصينية فى الفرن

بلح الشام
المقادير:
2 كوب دقيق _ 1 كوب ماء _ 1 كوب ذبدة و زيت (يعنى نص ذبدة و نص ذيت )+من 5 ل
6 بيضات _ معلقة صغيرة فانيليا.زرة ملح.+معلقة اكل خل ابيض ( وعلى فكرة
انا كنت فكرة ان الخل لزفارة البيض لكن لا اتضح انه بيخلى البلح الشام ماسك
نفسه )
الطريقة:
حطى الماء فى حلة على النار لما يادوب حيدفى حطى الذبدة والزيت على الماء و
لما يغلى حطى الدقيق كله مرة واحدة وقلبى بسرعة و النار واطية لحد ما
حتلاقى العجينة لفت معاكى و بقيت زى الكرة روحى شايلة الحلة من على النار
لحد ما تبرد خالص . ابتدى حطى البيض على العجينة بس بشرط تحطى بيضة و
تضربيها فى العجينة لحد ما تختفى و بعدين تروحى حطة اللى بعدها بنفس
الطريقة و هكذا بس توقفى وضع البيض لما تلاقى العجينة عاملة خط نازل من
المضرب متماسك مثل منقار الحمامة تروحى حطة معلقة الخل و تقلبى كويس قوى .
هاتى بقى الكيس بالقمع المخصوص بتاع بلح الشام و اقلبية الاول على ضهرة و
بليه بالفرشاة بالذيت و ارجعى اعدلية تانى . حطى العجينة فى الكيس و انزلة
فى الزيت صوابع طولها زى ماانتى عوزة و تقصيها بمقص المطبخ على الزيت
الغزير الساخن اقلى أصابع بلح الشام و تكون النار واطية أثناء التحمير ثم
اخرجه واضعه على ورق شفاف ماص حتى يتخلص من الزيت ولما يبرد خالص احطة فى
الشراب البارد علشان ما يطراش منك ولما تطلعية ممكن تحطى على طرف الصباع
فستق مفروم او مكسرات
ملحوظة ممكن وضع المقدار كله زيت وممكن وضع قالب ذبدة قلم ال 113 جرام

الإكــليــر
مقادير عجينة الشو :
1 كوب دقيق +1 كوب ماء +نصف كوب سمن+من 4 إلي 5 بيض +فانيليا - ذرة ملح - نصف ملعقه صغيره سكر
الطريقة
نضع الماء + السمن + الملح + السكر في حله علي نار متوسطه بمجرد الغليان ..
نرفعها ونضيف الدقيق دفعه واحده ونقلب بملعقه خشب نعيدها علي النار مرة
أخري ونقلب حتي تنفصل عن حواف الإناء.. ونتركها تبرد . نضيف في البدايه 2
بيضه والفانيليازنقلب ونمزج البيض جيدا .. ثم نضيف بيضه أخري ونمزجها في
الخليط بشده ( ممكن نستعمل المضرب الكهربائي ) نكرر إضافة بيضه ونخلطها مع
المزيج .. ونختبر العجينه بأن تكون لينه وناعمه وليست سائله .. ممكن نكتفي ب
4 بيض .. وده راجع لحجم البيض نضع العجينه في كيس حلواني وبالقمع المستدير
وبدون زجزاج نشكل وحدات طويله ومستديره علي صينيه مدهونه بالسمن ..
ونخبزها في فرن متوسط الحراره بعد أن تبرد وحدات الإكلير نشقها بالطول
وننزع اللبابه إن وجدت ونحشي الوحدات بالكريم باتيسيير بالشيكولاته (كستر )

الجيلى بالكريمة
المقادير:
2باكو جيلى فراولة _ 2 ظرف كريم شانتية _ فراولة للزواق
الطريقة:
نغلى على النار 3 كوب ماء ثم نضع علية الجيلى لحد ما يغلى و يدوب نعمل
الكريمة بنفس الطريقة المكتوبة على العلبة نضع الكريمة فى الثلاجة و نضع
الجيلى حتى يجمد تماما نخرجهم من الثلاجة و نضع الكريمة على الجيلى و
بالمضرب الكهرباء نخلطهم مع يعض كويس حيبقى الخليط فاتح و ناعم لانهم
حيتجانسوا على بعض نضعهم فى الكاسات و نجمل الوش بوردات كريمة و وحدات
فراولة صغيرة .

جــاتـــوه
المقادير:
ثلاث أرباع كيلو دقيق + ملعقه كبيره كربونات+ 1 ك عسل أسود+ 1 ك سكر+- 1
كوب شاي ( أعمل شاي تقيل وآخد كبايه )+ 1 ك عصير برتقال وبرش 3 برتقالات+
نصف كوب زيت + 1 بيضه+ م ك كاكاو + م ص قرفه+- 2 باكو كستر وأجهزهم حسب
النعليمات
الطريقه
نرب البيضه والزيت والسكر والقرفه والكاكاو- يضاف الشاي والعسل والبرتقال
وبشر ثلاث برتقالات ونقلب الخليط- نضيف الدقيق بالبيكربونات .. ونقلب إتجاه
واحد- نسكب الكيكه في صينيه كبيره مربعه ونسويها في الفرن- بعد نضج الكيكه
أكون مجهزه الكستروهو ساخن أسكبه علي وجه الصينيه فيعمل طبقه حوالي 1 سم
واعيدها الفرن خمس دقائق- أقطع الكيكه مستطيلات ومربعات في حجم قطعة
الجاتوه- أضع أي نوع مكسرات علي عدد من القطع أو كريم شانتي
ملحوظه - علي مر السنين إتعلمنا نعمل أنواع كيك وجاتوه كتير ..لكن ده فيه طعم مميز( الكميه كبيره جدا .. ممكن يتعمل نصها)

البسكوت بالشيكولاتة ( باردة لا تدخل الفرن )
المقادير:
حوالى 15 باكو بسكوت شاى _ باكو زبدة وسط _ 2 بيضة _ فانيليا _ سكر بودرة (حسب التزوق ) _حليب
الطريقة
كسرى البسكوت بايدك قطع صغيرة ( مش بالكبه نهائيا )القطعه قدعقله او عقلتين صباع و اركنيهم فى طبق كبير غويط . عمل الشيكولاتة :
نضرب الذبدة كويس فى الخلاط اضع عليها السكر البودرة و اضرب اضع نص كوب
كاكاو و بيضة و الفانيليا و كل دة و الخلاط شغال ما توقفيهوش ثم اضع النص
كوب الكاكاو التانى و البيضة التانية و مازلنا نضرب ابدء فى تنزيل سرسوب
اللحليب خفيف خفيف و الخلاط شغال زى ما قلنا لحد ما توصلى لتخانة حلوة
للشيكولاتة تكون تقرب للينة و اوقف الخلاط بس ماتنسيش تظبطى فى السكر نفترض
غلطى و الشيكولاتة بقيت سائل ؟؟تروحى مزودة شوية كاكاو لحد ماتظبطى السمك
تجيبى اللبن البارد ( علشان البسكوت ما يبوش )و ترشى ترشى بايدك البسكوت
لحد ما البسكوت كله يتبل كويس بس اوعى يبوش منك هاتى الشيكولاتة ( بس سيبى
حوالى ربعها للوش ) و حطية على البسكوت و قلبى قلبى بايدك كويس لحد ماتحسى
ان البسكوت كله فية شبكولاتة كويس ضعى البسكوت بالشيكولاته فى الصينية و
اضغطى بايدك علشان البسكوت يتفرد فى الصينية و ماتبقاش حتة عالية و حتة
واطية ( ولنتى بتضغاطيها فى الصينية حتكون جامدة تحت ايدك ) بعد ما تفرشيها
تمام فى الصينية هاتى باقى الشيكولاته اللى كنا حاجزينه و افردية على وش
الصينية . ممكن تعملى باشوكة اشكال على هيئة زجزاج على وش الشيكولاتة و
ممكن ترشى فستق مفروم او بندق محمص بيدوها طعم حلو دخليها الاول الفريزر
لمده ساعة و بعدين نزليها تحت فى الثلاجة و كل ما تقعد بتطرى و بتبقى قعدت
دة لو قعدت اهيه دى بالزات اللى عمرها ما قعدت عندى

سويسرول البسكوت بالشيكولاتة
نفس الطريقة اللى فاتت لحد ما خلطنا البسكوت بالشيكولاتة لكن مش حنحطها فى
الصينية حنفرد ورفة فويل و نحط الخليط على طرف الورقة بس لجوة شوية فوق بعض
بشكل الرول بتاع السويسرول و نبدء نلفة كلة للاخر و نقفل علية كويس و
نجمدة بنفس الطريقة اللى فوق و لما نفكة ندهن بالسكينة باقى الشيكولاتة على
كل الوش او ممكن نسيح شيكولاتة خام و نصبها على الوش كلة و

كيكة التفاح (Cindrella)
المقادير:
1.5 كوب سكر+1 كوب سمن أو زيت+2 كوب دقيق+2 بيضة +4 تفاحات مقشرة ومقطعة
مكعبات صغيرة+1 معلقة صغيرة قرفة مطحونة+0.5 ملعقة صغيرة ملح ناعم+1 كوب
فول سوداني مجروش أو مطحون+بيكنج بودر- فانيليا
الطريقة:
زي أي كيكة: نضرب السكر والسمن ثم البيض والفانيليا.نضيف الدقيق+البيكنج
بودر + القرفة +الملح ثم نضيف تدريجيا مع البيض مع التقليب. في النهاية
نضيف التفاح والفول السوداني ونقلبهم مع بعض ثم توضع في صينية مدهونة وتدخل
الفرن.

طريقة أخرى لكيكه التفاح
المقادير:
2 تفاحه متقشره ومتقطعه مكعبات - 2.5 كوب دقيق - 4/3 كوب سكر - 2/1 باكو
بيكنج بودر- 2/1 1 ملعقه شاى قرفه - 3/2 ملعقه ك زبده - 2/1 كوب لبن- 2
بيضه
الطريقه :
نخلط الدقيق والقرفه والبيكنج بودر والسكر ونقعد نقلب بالمعلقه لما كله كله
يبقى لون واحد ويتوزع كويس اوى نضيف التفاح ويكون متقطع 1 سم * 1 سم ثم
نضه الزبد السايح على البن ونضيف البيض ونخلطه بالمضرب السلك نضيف السوائل
بقى للدقيق ونقعد نقلب لما كله كله يبقى متجانس جدا ندهن صنيه بزبده ونصب
الخليط طبعا مش هيتفرد لوحده لانه مش سائل حطى فى ايدك شويه لبن وافردى
العجينه تماما استعملى صنيه كبيره لان المقدار كبير الكيكه دى بتقعد فى
الفرن ساعه وعشر دقائق

ام على
المقادير:
نص باكو جلاش _ كيلو حليب _ زبيب _ مكسرات _سكر حسب التزوق _ قرفة ناعمة _ قشطة _ زيت
الطريقة :
بالسكينة اقسم ورق الجلاش الى نصين و النصين الى ربعين اما تضعى الورق على
صينية و تدخلية الفرن لحد ما يصفر و ينشف ( او ) اضع مقلاية واسعة على
النار و احط فيها زيت و ابدء احمر الورق كل ورقتين ثلاثة مع بعض و اشيلهم
فى مصفة علشان ينزلوا كل الزيت الزائد احضر صينية بايركس او طاجن فرن فخار و
اضع طبقة من الورق ثم ارش رشة مكسرات . ثم اضع راقة ورق و ارش راقة مكسرات
و هكزا لحد ما املى الصينية ادفى الحليب على النار و احلية بالسكر ثم اصبة
على الصينية لحد ما يغطى الورق خالص اضعة فى الفرن لحد ما يبتدى يشرب
الحليب اضع على وجة الصينية القشطة يعنى اوزعها على الوش و اضعها فى الفرن
لحد و شها ما يحمر ملحوظة ازا كنتى بتحبيها دسمة يبقى ممكن تحطى بين راقات
ورق الجلاش مع المكسرات قشطة تانى وفية ناس بتحبها مليانة حليب يبقى بعد ما
تحمر ممكن تزوديها حليب تانى و ترجعيها الفرن كمان يادوب خمس دقائق بس
تقدم ساخنة

القرع العسل بالباشميل
المقادير:
2 قرع عسلى +4 ك سكر (حسب الرغبة)+5 م ك سمن + 4 م ك دقيق+ك حليب+3م ك جوز هند+ مكسرات
الطريقة:
جيبي قرعتين او حسب الكميه قولي لو اربهع اشخاص بجيب قرعتين وسط وطبعا
باشرهم واشيل كل اللب واقطعهم مكعبات متوسط يعني لا صغيرة ولا كبيره اكبر
من مكعبات السكر شويه المهم بعد ما اقطعهم بغسلهم واحطهم على مصفي المهم
ميكنش فيهم اي ميه خالص بعد مينشفوا بحط مكعبات القرعتين في حله عميق
واحطلها حوالي كيلو سكر او اربع كبايات حسب مذاقك وتسيبها على النار وكل
شويه تقلبيها لحد متستوي بالسكر ومتحطيش اي ميه خالص لانه اساسا بينزل
مايه-بيبتدي ينزل يته القرع قدامك حلين اما متسوعيش القرع لما يتهري وتخدي
شويه تعمليهم زي الخشاف يعني تحطي شويه في الكاس بتاع التاديم وتكوني عامله
مهلبيه تحطي شويه فوق وتسيبيه يبرد وبيبقه ظريف او تكملي بقه كل بالباشميل
زي ما هقولك- انا بسيب القرع لما يتهري على النار وبعدين بجيب مصفى كبيره
بحط القرع فيها وبينز طبعا ميه كتير جدا وهي ميه القرع وبتكون مسكرة المهم
انا باخد ميه القرع وبعمل بيها الباشميل بجيب حله تانيه اضع فيها حوالي نصف
قالب زيده يعني مثلا 5 معالق سمنه او اكتر وبحط حوالي 4 معالق دقيق ده
طبعا لان الكميه بتكون كبيره المهم بعمله بنفس طريقه الباشميل العادي بس
انا بحمر الدقيق مع الذبده وابتدي اضيف من ميه القرع + مع حليب عادي او
بودر انا بصراحه بحط بودر نيدو على ميه القرع وابتدي اجطه شويه شويه على
الدقيق بعد تحميرة بس طبعا انا مبحبش اضيف سكر فيه لاني اساسا ضايفا فوق
القرع حسب رغبتك كده خلاص عملت الباشميل على جنب خلاص ابتدي اروح للقرع الي
في المصفه اجيب صنيه مدورة وطبعا انا بحط جوز هند واخلطه مع القرع الي
اساسا انا هرسته في المصفة وببتدي اخلط معا مثلا 3 معالق جوز هند مع
التقليب بحط شويه بشميل في الصنيه من تحت وبعدين انا بحط القرع كله مع شويه
مكسرات وبخلطهم بحواب 4 معالق باشميل مخفف عن الي ححطه على الوش وبخلطه مع
القرع كله وبفرده في الصنيه وبعدين احط الباقي الباشميل التقيل من فوق
وتحطيه فى الفرن

كيكة القرع العسلى
المقادير:
ك دقيق +ك قرع عسلى مكعبات+بيضة – 1/2م فانيليا+ربع كوب زبدة+نص كوب سكر+م ص بيكنج صودا+نص م ص قرفة
الطريقة:
اضربى الزبدة كويس وبعدين ضعى عليها السكرواضربى ضعى عليهم البيضة و
الفانيليا واضربى كويس ضعى القرفة والبيكنج صودا على الدقيق و اخلطيهم ثم
ضعيهم على المقدار مع القرع العسلى وقلبى كله مع بعض ادهنى صينية كويس وضعى
فيها الخليط ودخليها الفرن المتوسط الحرارة لحد ما تستوى و تقريبا بيكون
نص ساعة تترك تبرد وتقطع

طبق خفيف بالقرع العسلى
المقادير:
كيلو قرع عسلى +1/2 كيلو سكر+م ك كريمة لبانى+2 ك بشاميل (عليهم 2 م كسكر)+فانيليا – زبيب – قرفة – مكسرات
الطريقة
قشرى القرع العسلى وقطعية فطع صغيرة ورشية بنص كيلو السكر اتركية لمدة
ساعتين . ثم ضعية على النار مع التقليب لحد مايستوى صفية من الماء اللى
حيظهر عندك ضعى معلقتين السكر على البشاميل و الكريمة اللبانى وقلبيهم مع
بعض كويس ضعى القرع العسلى فى كؤس التقديم او اطباق صغيرة وضعى على وش كل
طبق الكريمة المخلوطة بالبشاميل ثم ضعى القرفة والزبيب وممكن مكسرات ناعمة
حسب الرغبة

القرع المهروس بالمكسرات
المقادير:
مكسرات المتواجده بالبيت - 2/11 كيلو قرع - 3/1 كوب كريمه - 3 ملاعق مائده من الزبد - 1 م بقدونس
الطريقة:
يقطع القرع الى مكعبات يدهن بالزيت ويدخل الفرن لمده ساعه حتى يشوى تماما -
نسخن الكريمه فى اناء صغير على النار نضع القرع العسلى فى الكبه يضرب حتى
يهرس تماما تضاف الكريمه والملح والفلفل وتشغل الكبه مره ثانيه حتى تهرس
تماما - نشوح البقدونس فى زبد ساخن جدا - يخلط مع القرع ويجمل القرع
بالمكسرات

البروفيترول
المقادير:
عدد من الشو (( نستعين بطريقة بلح الشام) نشكل كور في حجم الليمونه ونخبزها
ونحشيها بالكستر أو كريم شانتي أو ممكن نشتريها جاهزه وبتتباع بالكيلو في
كثير من محلات الحلويات ده بالنسبه للشو .. أما لعمل صلصه الشيكولاته لزوم
البروفيترول)
1 كيلو لبن حليب +4 ملاعق كاكاو خام بدون سكر +ربع كيلو شيكولاته خام+2 ملعقة دقيق+كوب وربع سكر +1ملعقة زبد+نص كوب بندق محمص ومفتت
الطريقة:
نذيب الدقيق والكاكاو في ماء،نضع اللبن والشيكولاته الخام والسكر والزبده
في حله علي الناروبعد الغليان وذوبان الشيكولاته والسكرنضيف خليط الدقيق
والكاكاو .. ونتركهم حتي يتقلوا شويه مش كتير .. علشان لما بتبرد بتبقي
أجمد .. نضيف البندق ونطفئ علي طول نرص وحدات الشو في سلطانيه لحوالي نصفها
ونكمل بصوص الشيكولا نتركها تبرد في التلاجه

المــيرينــــــــج
المقادير:
2 بياض بيض+1 كوب سكر بودره
الطريقة:
نخفق بياض البيض جيدا بالمضرب الكهربائي حتي يزيد حجمه نضيف السكر ونستمر
بالخفق حتي تتماسك الخلطه نضعها في كيس بالقمع ونشكل وردات في صينية للخبز
مدهونه أو مفروشه بورق زبده نخبزها في فرن دافئ ولمده حوالي20 دقيقه

الأمريت
المقادير:
نصف كيلو سوداني محمص ومطحون +3 بياض بيض +150 جرام سكر+ملعقه كبيره جيلي لون فاتح +فانيليا - ذرة ملح
الطريقه
نخفق البياض مع الملح لمدة دقيقه ثم نضع السكر ونخفق حتي يشتد نضيف الجيلي
والفانيليا ونخفق جيدا نعجن بالسوداني المطحون نبلل أيدينا بالماء ونشكل
كرات صغيره نضع في نصها سودانيايه نخبزها في فرن متوسط الحراره

البراونز
المقادير:
1.5ك دقيق +1.5ك سكر+ك زبده+150 جرام شيكولاته خام+3 م ك كاكاو+4 بيض + فانيليا+1 م ص بيكنج بودر+نصف ك جوز أو بندق محمص ومكسر
الطريقة:
نذوب الزبده مع الشيكولاته في حمام مائي .. بعد الذوبان نتركها تبرد ننخل
الدقيق مع الكاكاو والبيكنج بودر بإستعمال المضرب الكهربائي نخفق البيض
ومعه الفانيليا ..نضيف السكر بالتدريج أثناء الخفق ونستمر بالخفق حوالي 3
دقائق نضيف خليط الشيكولاته والزبده .. مع الخفق نقلب الدقيق مع
الكاكاووالبيكنج بودربإستعمال ملعقه خشبيه نضيف الجوز أو البندق نضع الخليط
في صينيه مدهونه بالسمن ومرشوش عليها دقيق.. يستحسن أن تكون مربعه أو
مستطيله ليسهل تقطيعها مربعات مناسبه كالجاتوه
بعد الخبز نتركها تبرد ونقطعها مربعات أو مستطيلات كالجاتوه ممكن وضع نصف
كوب شيكولاته محلاه مفتته لقطع صغيره .. بدلا من الجوز أو البندق

شكلمة جوز الهند
المقادير:
علبة حليب مكثف ومحلي +حوالي ربع كيلو جوز هند أو أكثر
الطريقه
نعجن جوز الهند بالحليب المكثف بإستعمال ملعقه لابد وأن تكون العجينه
متماسكه .. كميه جوز الهند المستخدمه تقديريه ممكن نستخدم أكثر من ربع كيلو
بعد تمام العجن نبلل أيدينا بالماء ونشكل كور صغيره نرصها في صينيه مدهونه
بالزيت ومرشوشه بالدقيق نضع في وسط كل كوره زبيبه أو بندقه محمصه ونضغط
عليها قليلا ( نبططها ) نخبزها في فرن متوسط الحراره حوالي 20 دقيقة بحيث
ألا يتغير لونها وتحتفظ ببياضها

الكـــوكـــيز
المقادير:
نصف كوب زبدة+بيضة واحدة+كوب و نصف دقيق+نصف كوب سكر بودرة+ملعقتين لبن -
قطع شيكولاتة صغيرة+نصف ملعقة صغيرة بكنج باودر - نصف معلقة صغيرة فانيليا
الطريقة
اعجني الزبدة جيدا حتى تصبح ناعمة.ثم اضيفي رشة ملح اضيفي السكروحركي جيدا
حتى تصبح كالكريمة اضيفي البيضة ، اضيف الفانيليا و اللبن انخلي الدقيق
والبكنج بودر مع بعض ضعى الدقيق الى الخليط شوية شوية مع الخلط الجيد اضيفي
قطع الشوكولاتة لفي العجينة على شكل اسطوانة او ماسورة او قضيب ثم قطعى
العجينة بالسكينة دوائر صغيرة ادهنى صينية بالزيت وضعى فيها حلقات او دوائر
البسكوت ادخليها الى الفرن متوسط الحرارة لحد ماتستوى حوالى من عشر دقائق
لربع ساعة

الفــايــش
المقادير:
1 كيلو دقيق +ربع كيلو سمن +1 ك لبن حليب +1 م ص محلب +1 م ص كركم +1 م ك حمص مطحون+1 م ك خميره بيره
الطريقه
نخمر ملعقة كبيره حمص مطحون ناعم مع نصف كوب لبن دافئ لمدة 24 ساعة نعجن
الدقيق باللبن المتخمر بالحمص وعليه محلب وكركم وخميره البيره ( بعد
إذابتها بملعقه صغيره سكر وربع كوب ماء) لازم تكون العجينه يابسه جدا
وناشفه نضيف السمنه للعجينه ونكمل العجن .. بعد أن تخمر العجينه .. نشكلها
في صينية الخبز كالرغيف الفينو لكن بعرض رغيفين نتركها تخمر تاني ونخبزها
... بعد كده نقطعها شرايح رفيعه بالعرض نحمصها في الفرن ....

الـــدونــــات
المقادير:
500 جرام دقيق + م ك خميره+2 صفار بيضه + ذرة ملح+2 م ك سكر +2 م ك زبده ( 50 جرام )+ربع لتر لبن دافئ
الطريقه
إدعكي الخميره بالسكر إلي أن تسيل ضيفي اللبن الدافي عليها وأتركيها تخمر
لدقائق أفركي الزبده في الدقيق ربي البيض مع ذرة الملح بالشوكه ضيفي البيض
والخميره بالحليب علي الدقيق وإعجني جيدا غطي العجينه وأتركيها تخمر أفردي
العجينه وقطعيها دوائر بكوب صغير ممكن داخل بعض الدوائر تعملي تفريغ دائره
أصغر .. بعد التشكيل أتركيهم نصف ساعه للتخمير مره أخري
أقلي الدونات في الزيت الغزير ممكن حشو عدد من الدونات بالمربي بالحقن
بماكينة تشكيل البتي فور يرش سكر بودره علي عدد من الدونات ممكن تسييح
شيكولاته وعمل رسم وتسييل خطوط منها علي عدد من الدونات ..ملحوظه ممكن
إستعمال البيكنج بودر بدل الخميره البيره ممكن عمل الدونات ببيضه كامله بدل
من 2 صفار بيضه

الســمســـميه
المقادير:
3 كوب سمسم +كوب ونصف سكر + 3 ملعقه كبيره ماء + نص ليمونه أو رشه ملح ليمون+ملعقه صغيره ماء ورد
الطريقه
نغسل السمسم وننقيه من أي شوائب .. ونفرده علي فوطه لكي ينشف نحمص السمسم
إما في فرن دافئ أو في حله علي نار هادئه مع مراعاة ألا يحترق نتركه حتي
يبرد .. أحضر الشربات بإذابة السكر في الماء القليل ومعه ملح الليمون ..
علي نار هادئه حتي يعقد السكر .. نطفئ النار .. ونضيف ماء الورد والسمسم
ونقلب جيدا جدا نفرش صينيه بورق الزبده المدهون بالزيت نفرد السمسميه في
الصينيه ونساويها ببطن اليد المدهونه بالزيت ممكن إضافة أي نوع من المكسرات
علي وجه السمسميه وهي دافئه نتركها حتي تبرد تماما فتصبح جاهزه للأكل بعد
تقطيع

_________________

avatar
مودي
عضو مميز
عضو مميز

الجنس : ذكر عدد المساهمات : 480
تاريخ التسجيل : 01/01/2012
المزاج المزاج : كويس

الرجوع الى أعلى الصفحة اذهب الى الأسفل

رد: الحلويات

مُساهمة من طرف مودي في السبت 05 مايو 2012, 12:46 am

تورتة الايس كريم
المقادير:
كيكة اسفنجية+ايس كريم فانيليا +ايس كريم فراولة +ايس
كريم شيكولاتة+فواكه مسكرة (كريز - لارنج )
الطريقة :
نحضر طبق غويط مقعر (على هيئة نص دائرة )افرش الطبق بورقة
كبيرة فويل (يعنى ابطن الطبق بالفويل كويس قوى)اقسم الكيكة الاسفنجية من النص بالسكينة
اجيب النص الاول واضعة
على الفويل فى الطبق بحيث ياخد شكل الطبق و يكسية تماما
وممكن طريقة تانية للتقطيع بأنك تضعى امامك النص الاول
بتاع الكيكة و بعدين تقطعية شرائح عريضة و تبتدى تاخدى كل شريحة و تحطيها فى الطبق فوق اللى قبلها وهكزا لحد ما تكسى الطبق بدون
فراغات بقدر الامكان بالمعلقة ننزل اول طبقة ايس كريم ونفردها كويس ثم نضع بعض حبات من الفواكة المسكرة ثم نضع طبقة من نوع تانى من الايس كريم و نفردها
كويس و برضة بعض حبات من الفواكة المسكرة ثم نضع الطبقة الاخيرة من الايس كريم وتكون من النوع الثالث
ونفرد كويس بظهر المعلقة
نجيب النص التانى بتاع الكيكة الاسفنجية و نقطعة
بالسكينة على هيئة دائرة نغطى بيها الطبق كويس و نضغط
عليها علشان تثبت كويس فى الايس كريم ندخلها الفريزر لمدة 3 ساعات وعند التقديم نطلعها ونقلبها على طبق او سرفيس وهى حتتقلب
معاكى على طول ما تخافيش نشيل من عليها الورق الفويل و يا اما تزوقيها بالكريم شانتية او ممكن تسيحى شيكولاتة خام
و تصبيها بالراحة حتنزل تغطى كل القالب بتاعك او ممكن صوص
الفراولة و الشيكولاتة و تنزليهم على هيئة خطوط رفيعة

الكراميل
المقادير:
2كوب سكر+نصف كوب ماء +نصف ليمونه كبيره
الطريقه
نضع السكر علي النار مع ملاحظته حتي يصبح لونه ذهبي..نضيف
الماء علي الكراميل
وماتتخضيش منه لما تتشطش لكن هدئ النار واستمري في التقليب لحد مايسيح السكر تماما واعصري الليمون عليها
وسيبيها تغلي 10 دق هتلاقيها تخنت تاني اطفي النار علي طول.يستحسن طبعا تعملي الكراميل في نفس قالب
الكريم كراميل
بكل الكميه وبعدين وزعيها علي القوالب كأنك بتبطنيها جوانب وارضيه عشان يدي لون حلو بعد كده تكون جهزتي
الكريم كراميل وصبيه في القالب ودخليه الفرن او علي البوتاجاز بس في حمام مائي وتابعيه حتي النضج.. ملحوظه:ممكن تزودي الكميه زي متحبي ومتعتمديش علي
مقدار وده طبعا هيجي بالنظر والخبره بعد كده لانها بسيطه مش صعبه

تورتة الميل فى بالسكر
المقادير:
عجينة ميل فى +مربى مشمش+كريم شانتية أو كستر خفيف +سكر
ناعم +فستق مفروم
الطريقة
نفرد عجينة الميل فى بسمك 1 سم و اعملى منها 4 دوائر
بمقاس استدارة الصينية او ممكن 3 خرمى الدوائر بالشوكة و سيبيها حوالى 10 دقائق توضع الدوائر
فى الفرن بس يكون اعلى
من المتوسط يعنى يكون احمى نخرجها من الفرن بنفس الشكل و
اللون اللى انتى بتشوفية برة حطيهم على منخل او حديدة لحد
ما يبردوا سوى طروفها
بمقاس واحد ضعى اول دائرة على طبق التقديم و ادهنى وشها بالمربى - حطى الدائرة التانية فوقها و الزقيها
عليها كويس و ادهنى وشها كلة بالكريمة 0- حطى
الدائرة التالتة كويس و ادهنى وشها بالمربى - حطى اخر دائرة و اضغطى عليها كويس عشان يمسكوا فى بعض - ندهن
الجوانب بطبقة خفيفة بالمربى وبعدين ترشى الفستق المطحون عليها فحيلزق طبعا على المربى- نرش السكر البودرة على وش التورتة تماما
ملحوظة : قبل ما تدهنى الجناب بالمربى ابقى خففيها بيادوب
معلقة ماء دافىء

جاتوة الميل فى
نفس طريقة التورتة بس بدل ما تعملى العجينة دوائر اعمليها
مستطيلات فى صينية
طويلة وزوقيها بنفس الطريقة و بعد ما تخلصيها بالسكينة الطويلة الحامية تروحى مقطعة المستطيل بالطول
مرتين يعنى خطين بالطول و بعدين تروحى مقطعة بالعرض تقريبا 3 قطعات حيبقى بنفس المقاس اللى انتى بتشترية من السوق و ترصصية على طبق التقديم ملحوظة :
جاتوة الميل فى اللى بالشيكولاتة تدهنى فى النص بالكستر المضاف له شيكولاتة و تزوقى الوش الطبقة الاخيرة بحلوى الماء اللى بالشيكولاتة

كيكة الموز
المقادير:
2 كوب دقيق ــ 1 و نصف كوب سكر ــ نصف كوب زبدة ــ نصف
ملعقة بيكنج بودر ــ نصف ملعقة بيكربونات صوديوم ــ 2 ملعقة فانيليا ــ 2 بيضة ــ نصف كوب
لبن ــ 5 موزات مهروسة
ــ ربع ملعقة ملح
الطريقة:
نخلط السكر مع الزبدة لحد ما تكون زي الكريمة و بعدين
نضرب البيض مع الفانيليا و نضيفهم للسكر و الزبدة و نخلط كويس
ننخل الدقيق مع البيكنج بودر و البيكربونات و الملح ثم
نبدا نضيفة على مراحل بالتناوب مع الموز المهروس و نضيف نصف كوب الحليب اثناء الخلط و
نخلط كويس و نسويها في
فرن متوسك لمدة ثلاث ارباع الساعة

كيكة الزبادى
المقادير:
كوب زبادى+2 بيضة +كوب سكر+2 كوب دقيق+1/2 م ك بيكنج بودر+1/2
م بيكربونات صودا +م ص فانيليا
الشربات : كوب ونص سكر _ كوب ماء _ نص ليمونة ( بنفس
الطريقة اللى شرحناها قبل كدة )
الطريقة :
نعمل الشربات و نركنة- نضع البيكنج بودر و البيكربونات
على الزبادى نخلطهم بالمعلقة - و نضع عليهم السكر و نقلبهم لحد ما تدوبى السكر فى الزبادى- اضربى البيض كويس مع الفانيليا و ضيفيهم
لخليط الزبادى و اضربيهم كويس- ابتدى
ضيفى الدقيق شوية شوية و انتى بتمزجيهم كويس - ادهنى الصينية بالسمن وصبى فية العجينة - دخلية فرن متوسط
الحرارة لحد ما تستوى بنفس طريقة سوى الكيك - بعد ما تطلع من الفرن نقلبها على طبق و نخرمها شوية اخرام
بالشوكة علشان
لما نسقيها بالعسل نتأكد ان العسل دخل جواها و اتوزع كويس وهى تكون شربتة كويس نسقيها بالعسل بعد ما خرمناها
و اتأكدى انها شربته كويس

الــروانـــى
المقادير:
3 كوب دقيق +1/12كوب دقيق سميد ( دقيق بسبوسة )+10 بيضات +1/12ك
سكر +1/12م ص بيكنج بودر+ شربات
الطريقة :
نعمل الشربات و نركنه- نضرب البيض كويس جدا و نضيف له
الفانيليا و السكر مع الضرب لحد ما تلاقية اضرب كويس و تقل - نضع البيكنج بودر على الدقيق و
نضع برضة دقيق السميد و
نخلطهم مع بعض كويس - نضع الدقيق المخلط على خليط
البيض و نقلب بالراحة خالص- ندهن الصينية ونصب فيها
الخليط وندخلها فرن متوسط الحرارة لحد ما تستوى - نسقيها بالعسل الدافىء - ونفلبها على طبق التقديم و نرش على وشها جوز الهند
المبشور

موس المانجة
المقادير:
4 بيضات+1/2 كوب عصير مانجة+1/2 كوب سكر+3 ورقات جيلاتين+2
كوب كريمة لبانى+مانجة مقطعة قطع
الطريقة
يفصل الصفار عن البياض- يضرب الصفار مع السكر كويس جدا- نضرب
البياض لوحدة ( مارينج)*- نضع
عصير المانجة على الصفار المضروب- نضرب الكريمة اللبانى لحد
ما تتماسك- نضع الجيلاتين على الكريمة ثم على الصفار
المضروب- يضاف المارنج
الى الخليط مع وضع كمان قطع مربعات صغيرة من المانجة- اصب كل
الخليط فى قالب التقديم توضع فى الثلاجة لحد ما تجمد- نزوقها
بالكريم شانتية
و قطع من المانجة

موس الكيوى
المقادير:
زلال 4 بيضات+2ك سكر+2 ك لبن+2 ك كريمة لبانى+2 ك عصير
كيوى+قطعة كيكة اسفنجية مدورة لتبطين قاع الصينية
الطريقة
يضرب زلال البياض البيض ضرب كويس جدا (مارينج) ثم يضاف
السكر لحد ما يبقى مارنج- يضاف الى المارينج عصير الكيوى( ال2 كوب ) ويقلب بالراحة بخفة- نضع الكريمة على الخليط و نقلب بخفة جدا - نجيب
القالب و نبطنة بقطعة الكيكة بعد تقطيعها على أد القاع- نصب الخليط فى القالب على الكيكة - ندخل
القالب الثلاجة
لحد ما يجمد و يزين بشرائح الكيوى

بقلاوة كل واشكر
المقادير:
1 كيلو دقيق+2 ملعقة صغيرة ملح.+2 ملعقةكبيرةزيت ذرة.+نص
كيلونشاء.+نص كيلوسمنة+نص كيلوبندق.+ماء +شربات
الطريقة:
اولا: لتحضير العجينة: ننخلاالدقيق والملح في طبق غويط
ويضاف الزيت ويخلط ثم يسكب الماءعلى الخليط تدريجياًوبكميةقليلةلحدماتلاقى العجينة
متجانسة.ـ تلف
العجينة بشكل دائري اواسطوانى ونسيبهاحوالي نص ساعةترتاح جيداً.ـ تقطع لفافةالعجين إلى قطع صغيرة بقياس 6 سم وتمسح بسائل النشاءونضغط
عليها قليلاً بالايد حتى
تتماسك.ـ نضع كل أربع قطع من العجين فوق بعضهاالبعض
ويضغط عليهاأيضا ًمع النشاء.ـ تكررالعملية حتى تنتهي
العجينة ثم يوضع العجين على شكل طبقات تقريباحوالى 12 طبقة.- ثم تفردالطبقة بواسطةالنشابةالكبيرة(عصا طويلة ورفيعة
خاصةبفرد العجينة)ممكن العصايةاللى فى الدولاب اللى بيتعلق عليها الشماعات بشكل طولي.- نفرم البندق فرم
ناعم ـ تفرش
الحشوة المكونة من البندق على طول العجينة.- تثنى العجينة لتغطي الحشوة وتقطع على شكل قطع البقلاوةاللى
بتشوفيها برة- ونرصصها في صينية الفرن.ـ تذوب السمن على نار هادئة ونصبها وهى فاترة فوق البقلاوة وتدخل الصينيةفى فرن متوسط الحرارة لمدة ساعةـ
أثناء عملية الخبز، نصفى السمنةالزايدةفى الصينيةوبعدين ندخلهاتانى الفرن حتى تنضج.ـ بعد ما
تستوى وبعدماتبرد
نسقيهابالشربات
(ملاحيظ )

(مهم جدا ان النشابه تكون طويله )
النشابه العاديه متنفعش طبعا
التارت الحلو
المقادير
4 كوب دقيق رشة ملح +كوب ونصف زبده +3 بيض + فانيليا +ثلاث
أرباع كوب سكر ناعم
الطريقه :
نخلط الدقيق مع السكر ورشة الملح،نضيف الزبده ونفركها في
الدقيق بحيث تتخللها
تماما نرب البيض مع الفانيليا نضيف البيض الي الدقيق ونعجن عجينه متماسكه نتركها ترتاح في التلاجه قبل
الإستخدام بالطريقه دي نعمل العجينه .. بعد
كده علينا نجهز التارت نحتاج إلي صينية أو قوالب موجوده خصيصا لعمل التارت ..

كريمه خاصه بالتارت
المقادير:
2 كوب لبن +2 ملعقه كبيره سكر+2 ملعقه كبيره دقيق+2 صفار
بيض + رشة فانيليا
الطريقه
نضع اللبن علي النار حتي يسخن ويغلي نخفق السكر والبيض
والدقيق جيدا .. ونضيفه للبن
عندما يغلي ونقلب حتي نحصل علي كريمه لفرش التارت

كريمة الشيكولاته خاصه بالتارت
المقادير:
2 كوب لبن +2 صفار بيض + فانيليا+2 ملعقه كبيره سكر +2
ملعقه كبيره كاكاو
الطريقة:
نفس الطريقه السابقه نغلي اللبن نخفق البيض مع السكر
والكاكاو .. ونضيف المزيج للبن عندما يغلي ونقلب حتي يتخن ممكن زياده السكر حسب الرغبه

تارت الفراوله
المقادير:
عجينة تارت حلوه +1 كيلو فراوله+2 كوب جيلي +2 كوب كريمة
تارت ( كستر )
الطريقة:
نفرد العجينه في قالب وندخلها فرن متوسط الحراره لتستوي -ننظف
الفراوله ونغسلها
ونجففها وننقعها في الجيلي حوالي نص ساعه بعد أن يبرد التارت تماما نفرد الكستر علي التارت ثم نرص الفراوله
بنظام فوق الكستر نصب الجيلي فوق الفراوله وندخلها التلاجه لتجمد ..بالنسبة لتزوييق التارت الحلو مش
حتغلبى فية
لان ممكن تشوفى شكل حلو برة و تكررية و ممكن بيبقى حسب زوقك تقريبا بيبقى كل الزواق انك تضعى الكاستر الاول
وبعدين اما وحدات فراولة او شريحة اناناس و جواها كريزة او شرائح كيوى او تمليها عنب احمر و اخضر تقوم تدى
شكل حلو او شرائح رفيعة كنتالوب او شرائح خوخ او مشمش
كمبوت و تروحى داهنة الوش بالفرشاة بالجيلاتين الزائب فى شوية ماء ساخن او تفكى مربى فى
طاسة صغيرة بمعلقة ماء
ساخن و تدهنى بيها الوش و بالنسبة لتارت الشيكولاتة بعد
ما تحطى الكاستر تحطى على الوش شيكولاتة فارمسيل او تصبى
على الوش شيكولاتة خام سايحة
طريقة أخرى التارت
المقادير:
كوب و نصف دقيق+100 جم زبده جامده جد+4 معالق كبيره ماء
ساقع من التلاجه
الطريقة:
نحط الدقيق في الطبه و نقطع الزبده الجامده قطع صغيره و
بعدين لو عندك سكينه
الحلويات او سكينه تقطيع العجين استخدميها او ممكن تسنخدمي ايديكي بس بالصوابع تفركي الزبده مع الدقيق لحد ما
تبقي زي العيش المفرفت ضيفي الماء معلقه معلقه و ممكن تستخدمي اقل ماء كمان المهم انها تمسك معاكي
العجينه حطيها
في التلاجه في كيس بلاستيك ساعه ادهني القالب بتاع التارت بالزبده و الدقيق زي قالب الكيك بعد كده افردي
العجينه بالنشابه اكبر شويه من مقاس القالب و حطيها فيه اعملي خروم بالشوكه في العجينه و حطي عليها فول (محطوط في ورق فويل)علشان هيا بتطلع لفوق في
الفرنالفرن علي 180م لمده 20 دقيقه ونعمل معاها كريم باتسير و نحطه عليها و نزين بالفاكهه
الكريم باتسير :
بيضه و 2 معلقه نشا كبيره و ربع كوب سكر و تقلبيهم جامد و
بعدين تكوني مسخنه
نص كوب لبن مع ربع كوب سكر علي النار و بعدين تحطيه علي الخليط الاولاني و تضربي بمضرب البيض اليدوي
جامد خالص و انا باحط شويه عصير اي حاجه عندي عليه و تحطيه فوق التارت

كيكة الاناناس
المقادير:
5 بيضات – كوب سكر – نص كوب زبدة – كوب وربع دقيق – معلقة
بيكنج بودر – نص كوب عصير اناناس - نص معلقة صغيرة فانيليا – علبة كمبوت اناناس – نقطة اسانس اناناس (اختيارى)– عشر حبات كرز
منزوع البزرة
كراميل ( كما شرحناة سابقا )
الطريقة
نجهز الكراميل ونضعة فى الصينية صفى علبة الكمبوت تماما
من العصير بالمصفاة و افصلى كل واحد لوحدة ضعى شرائح الاناناس فى قاع الصينية فى الكراميل
بأى شكل تحبية ( يعنى
ممكن تحطيهم جنب بعض داير ما يدور و ممكن تحطى طرف كل
واحدة على طرف اللى قبلها وممكن تقسمى شريحة الاناناس
نصين و تلعبى بالشكل اللى انتى عوزاة و تضعى داخل كل انانساية واحدة كريز ) جهزى الكيكة بالطريقة العادية وسبق وشرحناها اضربى
الزبدة كويس ثم ضعى عليها السكر و اضربى كويس لحد ما تبقى هشة ضعى البيض و الفانيليا و اضربى كويس لحد ما تتخن العجينة ضعى البيكنج بودر على
الدقيق ثم ضيفى الدقيق للعجينة واحدة واحدةبالتبادل مع عصير الاناناس يعنى شوية دقيق و بعدين شوية عصير و
هكذا تصب العجينة فى
الصينية المجهزة بالكراميل و الاناناس تدخل فرن متوسط
الحرارة تقريبا حوالى نص ساعة و بعد ما تخرج اقلبيها
وممكن تسقيها خفيف بمعلقتين عصير اناناس

البــريـــوش
المقادير:
1 كيلو دقيق+1 كوب زيت ذره +1 كوب سكر+4 بيض+كوب ونضف لبن
دافئ+1 ملعقه كبيره خميره بيره
الطريقه
ندعك الخميره بالسكر ونضع عليها ماء دافئ ونتركها حتي
تخمر وترتفع في الخلاط نمزج البيض ثم الزيت ثم السكر ثم اللبن والخميره نضيف كوب دقيق للمزيج في الخلاط .. ونخلطه وعلي حسب قوة
الخلاط ممكن نضيف أكثر من كوب دقيق نسكب الخليط في طبق غويط .. ونكمل عجن باقي الدقيق ..أو حتي تتكون عجينه متوسطة الليونه .. نتركها مغطاه
حتي تخمر ويتضاعف حجمها تشكلها بريوش ببرم قطعه من العجين كإسطوانه نلفها دوائر فوق بعضها الأكبرمن تحت وبعد تشكيل البريوش ورصه في صينيه الخبز ..ندهنه
بالبيض المربوب مع حليب البودره .. ونضع
علي الوجه زبيب أو سكر نتركه يخمر ويرتفع حجمه .. ثم نخبزه

تورتة الكنافة
المقادير :
¾ كيلو كنافة - 3 ملاعق كبيرة سمن +الشراب السكرى " الشربات
" :½ 2 كوب سكر سنترفيش - 2 كوب ماء - عصير ½ ليمونة - فانيليا
للتجميل :3 كوب كريم شانتيه - مكسرات مفرية - شرائح من
الأناناس
الطريقة :
تجهز الكنافة ، تقطع قطعاً صغيرة بالمقص وتفرد فى الهواء
لتجف . يرفع السمن على نار هادئة حتى يسيح ، توضع الكنافة وتقلب على نار هادئة حتى تحمر
من جميع الجهات . ترفع
من فوق النار وتوضع فى مصفاة حتى تتخلص من السمن الزائد . تترك الكنافة حتى تبرد تماماً ثم تسقى بالشربات وتعاد إلى المصفاة للتخلص من الشربات الزائد . تقسم كمية
الكنافة إلى نصفين ، يوضع نصف الكنافة فى صينية ويضغط عليه تماماًً . تحشى بالكريم شانتيه وقطع صغيرة
من الأناناس ثم يوضع
باقى الكنافة بحيث يغطى الحشو . تقلب الصينية فى طبق
التقديم وتجمل بوردات من الكريم شانتيه والأناناس
والمكسرات .

الترايفل بالفاكهة
المقادير:
بسكوت سفويار او كيك باقى عندك او كيكة اسفنجية+فاكهة ( موز
– فراولة – برتقال ) او علبة
كمبوت +لو حتضعى كمبوت يبقى حنستعمل العصير بتاعها لو
فاكهة بس يبقى+عصير فرش برتقال +كستر (زى ما قلناة قبل
كدة )
الطريقة
اما تجيبى كاسات او تجيبى طبق زجاجى غويط ضعى فى القاع
بتاعة قطع كيك او بسكوت يا دوب طبقة او راقة ضعى على الكيك راقة فاكهة مقطعة ثم ضعى على الفاكهة راقة كيك تانية بس تكون مغطية كل
وش الكاس او الطبق صبى العصير على الكيك لحد ما تلاحظى ان الكيك اتسقى كويس بعد ما يبرد الكاستر نضع طبقة منه تغطى وش الكاس او الطبق تماما و
ظبطية بالمعلقة ضعى كريم شانتى على وش الطبق ووحدات من الفاكهة المستخدمة فى الطبق

الترايفل بالجيلى
المقادير:
بسكوت سفويار او كيك باقى عندك اوكيكة اسفنجية+2 كوب جيلى
+كريم شانتى+مربى
الطريقة
نضع فى قاع الطبق طبقة من الكيك ثم نضع على هدة الطبقة
طبقة من المربى ثم نضع على المربى طبقة من الكريمة ثم نضع طبقة من الكيك تغطى الطبق نصب الجيلى عليهم تماما وندخلة الثلاجة لحد
الجيلى ما يجمد ولما يجمد تزوقية بوردات الكريمة

الترايفل بالجيلى والكاستر
المقادير:
بسكوت سفويار أو كيك باقى عندك اوكيكة اسفنجية+2كوب جيلى
اصفر او اخضر+كستربارد+كريم شانتى
الطريقة
نضع فى قاع الطبق راقة من الكيكة نصب نص كمية الجيلى وهو
سخن على الكيكة وندخلة الثلاجة لحد ما يجمد لما يجمد نطلعة ونصب علية نص كمية الجيلى التانية بس المرة دى حيكون الجيلى بارد
وندخلة الثلاجة لحد ما يجمد لما نطلعة ويكون جمد نضع علية طبقة من الكستر البارد ثم نجملة بالكريم
شانتى

ترافيل خاص
المقادير
الطبقه الأولى: كيكه اسفنجيه طبقه واحده توضع في القالب
ويرش عليها علبة فواكه مشكله صغيره بالماء
الطبقه الثانيه: كيس دريم ويب +علبة قشطه + 8حبات جبنة
كيري+ نصف علبة حليب مركز الكبيره+نصف كوب ماء بارد+كيس واحد جيلاتين مذاب في القليل من
الماء الساخن:تخلط هذه
المقادير في الخلاط جيدا ثم تسكب فوق الطبقه الأولى
الطبقه الثالثه:علبة قشطه +4 ملاعق سكر بودره +ملعقة
كاكاو :تخلط جيدا ثم تسكب على الطبقه الثانيه تدخل الصينيه الثلاجه مدة3ساعات اوحتى تبرد وبالعافيه

الهريــســة
المقادير:
كيلو سمن.- ريع كيلو دقيق حمص - نصف كيلولوز+عسل : (ثلاثة
اكواب ماء – اربع اكواب سكر)
الطريقة
ضعي نص كوب سكر في حلة على النار مع التقليب المستمر لحد
ما لونه بقى دهبى اضع عليه باقي السكر والماء مع التقليب المستمر لحد ما يغلى حوالى ربع
ساعة بس اشيل منه حوالى
كوب واركنه لوحدة ضعى اللوز فى ماء مغلى وقشرية وحمصية
واطحنية بس يكون خشن مش ناعم وطى النار وضعى على العسل
وهو على النار اللوز ودقيق الحمص وافضلى قلبى كويس لما تلاحظى ان الخليط ابتدى يتقل ويمسك
نفسه حطى السمنة كلها بس
شوية شوية وبرضة تفضلى تقلبى لحد ما حتلاقى السمنة
سابت الخليط والخليط اتكور لوحدة وبقى حتة واحدة ضعى
الخليط كلة فى صينية مش كبيرة المهم يكون ارتفاع المقدار فيها حوالى 4سم صبى على وش الخليط
كوب العسل اللى كنا
ركنينه توضع فى فرن متوسط لحد ما وشها يحمر خفيف مش قوى او
لما تلاحظى انها زى ما تكون فقفقت او اتخرمت من سطحها
تشيليها من الفرن وتسبيها لحد ما تبرد خالص وبعدين تقطعيها

هريسة محشية بالقشطة
المقادير:
كوب لبن زبادي – بيضة - كوب سكر – كوب جوزهند - كوب دقيق
سميد ناعم – باكو زبدة (113ج) - معلقة فانيليا – معلقة بيكنج بودر
الطريقة:
نخلط كل المقادير دى مع بعض بالمعلقة كويس( كوب لبن – 3
معالق كبيرة نشا – علبة قشطة – عسل )
اذوب النشا فى اللبن و بعدين نضعهم على نار هادئة مع
التقليب المستمر لحد ما يتماسكوا جيداً.(زى المهلبيه)نضيف
عليهم علبة القشطة
كلها ونقلبهم كويس ثم نضع فى الصينية نصف مقدار الخلطة الأولى وبعدين نضع عليها مزيج المهلبية اللى
عملناة وبعدين نضع عليها النص التانى من الخلطة الاولى ندخلها فرن ساخن لحد ما تحمر نسقيها بالعسل ملحوظة
ممكن بدل القشطة تحشيها
بجبنةا الحلويات

زنـــود الســت
المقادير:
باكو جلاش +2 علبة قشطة (او مهلبية) +زيت للتحمير +عسل (2كوب
سكر – واحد ونص كوب ماء – نص ليمونة)
الطريقة
نحضر ورقة من الجلاش ونتنيها بالطول(كل الورق حنتنية بنفس
الطريقة) توضع ورقة
من الجلاش بجهة الطول فوق ورقة تانية بجهة العرض على هيئة (+) توضع ملعقتان كبيرتان من القشطة على الحتة
اللى هيا نقطة التقاء الطول بالعرض نضع الطرف اليمين اللى بالعرض على القشطة والطرف الشمال فوقة(يبقى احنا
كدة غطينا القشطة) وتلف
بالطول باقى ورقة الجلاش على هيئة صباع تكرر بنفس
الطريقة مع بقية الجلاش ثم تقلى في الزيت الساخن نشيلها
من الزيت وتصفى ثم توضع في العسل ثم ترصص فى طبق التقديم وممكن ترشى على الوش شوية فستق مطحونين

الجيلى بالبسكوت و الفواكة
المقادير:
يسكوت (عدد البكوات على اد الصينية او عدد الكاسات)+علبتين
كمبوت+علبة كريمة (اتنين كيس)+اربع علب جيلى
الطريقة:
نغلى 7 اكواب ماء على النار وندوب فيهم الجيلى ونجهزة . نصب
الجيلي في طبق زجاجي
او فى الكاسات لحد ما يوصل ل 2
سم تقريبا مش اقل من كدة ثم يوضع في
الثلاجة لحد ما يجمد .(مع الاحتفاظ بنص كوب جيلى على جنب
بس يكون بارد و مش جامد)نصفى العصير اللى فى علبة الكمبوت وشيلى كل واحد لوحده اعملى
الكريمة بنفس
الطريقة اللى على العلبة تغمس كل قطعة من البسكويت في الجيلي ونشيلها على طول وبعدين نرصصهم فوق طبقة الجيلي
المتجمدة حتى تغطي الجيلى تماما . توضع
طبقة من الفواكه المشكلة فوق طبقة البسكويت ثم توضع طبقة من الكريمة .نعمل نفس الخطوات تانى لعمل طبقة جديدة .
توضع في الثلاجة حتى تجمد .. ملحوظة:اذا كنتى حتعملية فى
كاسات مش فى طبق زجاجى يبقى نكتفى بطبقة واحدة من كل نوع ولا نكرر الخطوات

قالب البسكويت بالشيكولاته
المقادير:
كمية من البسكويت المربع الساده +حوالى كوب لبن بارد
،مقادير كريمة الشيكولاته:1/4
كيلو زبده+2/3 كوب سكر بودره+1/3 كوب كاكاو خام+من 3: 4
بيضات+فانيليا+1/4 كيلو كريم شانتيه
الطريقة
يتم ضرب الكريم شانتيه بقليل من الماء المثلج حتى تتكون
كريمة متماسكة ثم تترك ويتم ضرب الزبدة + السكر ثم يتم إضافة باقى المقادير والكريمة المضروبة ويضرب جيداً وممكن إضافة قليل
من اللبن اذا كان متماسك جدا نحضر قالب بيركس ويتم وضع بسكوته بسكوته فى اللبن بعد تحليته بقليل من السكر ويرص فى القالب طبقتين من البسكويت ثم
طبقة كريمه ثم طبقتين من البسكويت ثم طبقة كريمة وعلى الوجه ممكن نزوق بمبشور الشيكولاته ثم يتم وضعه فى الثلاجه

المكرونة بالمهلبية
المقادير:
1/4 كيلو مكرونة قلم صغير جدا ومسلوقة +1 كيلو لبن+4
ملعقة كبيرة نشا+سكر +فانيليا+جوز هند وزبيب (حسب الرغبة)
الطريقة:
يتم اذابة السكر فى اللبن والنشا على البارد ثم وضعها على
النار ويتم التقليب
المستمر حتى الغليان (مهم التقليب المستمر) ثم إضافة الفانيليا يتم خلط المكرونة مع المهلبية جيداً وأضافة
جوز الهند والزبيب يتم دهن صينية أو طبق بيركس بالسمن ثم يصب بها الخليط توضع فى الثلاجة لمدة من ثلاث
لأربع لساعات ثم توضع
بالفرن بالرف العلوى حتى يحمر الوجه

عيش السرايا
المقادير:
1 كوب دقيق+1 كوب سكر+1 كوب زبادى+2 بيضه+2 ملعقة سمن (أو
قشطة وش اللبن)+فانيليا+1 م/ص بيكنج بودر
للشربات:1 كوب سكر+1، 1/2 كوب ماء
الطريقة:
فى الخلاط نضع البيض والسكر ونضربها لمدة عشر دقايق حتى
نتأكد من زوبان السكر ثم الزبادى ثم السمن والفانيليا (أثناء الضرب يتم تشغيل الفرن
على درجة 150 ) ننخل
الدقيق مع البيكنج بودر ونضيفه إلى الخليط مع التقليب بخفه
فى اتجاه واحد ندهن صينيه مقاس 26 يعنى اصغر من صينية
الكيك العادية بنمره نصب الخليط ونضعه فى الفرن لمدة من 20 إلى 30 دقيقه حسب الفرن عندما
تترك الكيكة جانب
الصينية نخرجها من الفرن) ، الشربات:نذوب السكر إلى الماء ولا نضع ليمون عندما يغلى الخليط لمدة 5
دقايق فقط نطفى (شربات خفيف يعنى) أول ما تخرج الكيكه من الفرن نسقيقها الشربات بالملعقة حتى نتأكد أن الكيكة اتسقت كويس وأذا تبقى بعض الشربات لا
نضعه أى حسب أحتياج الكيكة ملحوظة: ارتفاع
الكيكه اعلى قليلاً من البسقبله
من الممكن مضاعفة المقدار تماماً ووضعها فى صينية مقاس 28
أو 30 فتصبح مرتفعة

طريقة أخرى لعيش السرايا
المقادير:
اولاً: العجينة:
-كوب زبادى -كوب دقيق-كوب سكر-ملعقة صغيرة بيكربونات
صودا،عسل : كوب سكر – كوب
ماء – نص ليمونة ،كراملة : نص كوب سكر – معلقة صغيرة ماء( سبب وجود الكرامل هو وضعة على العسل عشان يدينا
اللون البنى بتاع عيش السرايا)
الطريقة:
نضع الدقيق و السكر و الزبادى فى الخلاط نضربهم كويس لمدة
عشر دقائق الى ان يصبح قوامها مثل الكريمة ونترك الخليط لمدة نصف ساعة عشان نكون اتاكدنا
ان السكر زاب و كلة
اندمج ببعضة نضع ملعقة البيكربونات على الخليط ونخلط
بالخلاط تانى ثوانى فقط عشان نتاكد ان البيكربونات اختلطت
مع الخليط اصب الخليط
في الصينية بعد ما ادهنها بحتة زبدة وادخلها الفرن
على درجة حرارة متوسطة لمدة ربع ساعة نعمل العسل و نجهزة
بالطريقة العادية نضع العسل الدافى على الكراميل الساخن مع التقليب المستمر عشان تلحقى
تزوبى الكلاكيع اللي
حتظهر نضع العسل بالكراميل الساخن على عيش السرايا البارد ً
طريقة التقديم : بعد ما يبرد تماما عيش السرايا نضع على
وشة كلة القشطة و نفردها كويس ثم نرش الفستق المطحون على القشطة و

عيش السرايا بالعيش
المقادير:
كيس توست ( 2 كوب لبن – 2 معلقة كبيرة نشا – ربع كوب سكر –
علبة قشطة )+عسل ( كوب سكر – كوب
ماء – عصير نص ليمونة )+كراميل ( نص كوب سكر – معلقة
صغيرة ماء )+فستق مطحون
الطريقة:
نجهز المهلبية الاول : نزوب النشاء فى اللبن البارد كويس
ثم نضعة على النار مع السكر لحد ما يدوب السكر و يتخن الخليط نروح حاطين علبة القشطة و
نقلب كويس جدا و بسرعة
لحد ما يندمجوا مع بعض نعمل العسل و نجهزة بالطريقة
العادية نضع العسل الدافى على الكراميل الساخن مع التقليب
المستمر عشان تلحقى
تزوبى الكلاكيع اللي حتظهر نشيل الجوانب الغامقة بتاعة التوست وحطية فى التوستر او الفرن لحد ما يحمر فى طبق
بايركس رصى التوست جنب بعض و غطى الفراغات صبى العسل بالكراميل واحدة واحدة على التوست و افضلى دوسى
بايدك او بضهر المعلقة
عشان تتاكدى ان التوست شرب العسل كويس نضع المهلبية اللى
عملناها و نفرشها على وش الصينية كويس ثم نرش الفستق
المفروم على وش الصينية

جاتوة البقسماط بالمربى
المقادير:
2 كوب بقسماط خشن – كوب مربى – شيكولاتة فارمسيل – كوب
كريم شانتية
الطريقة
نضع الكريمة على البقسماط و نقلبهم بالمعلقة ثم نضع
المربى عليهم بس مش كلها لأ واحدة واحدة لحد ما تلاقى المقدار مسك نفسة و ممكن نشكلة
بأيدنا نعمل
المقدار على هيئة كور متوسطة و تدحرجيها على الشيكولاتة الفارمسيل لحد ما تغطيها كلها او ملبس ملون ضعى كل كورة
فى طبق بليسية

كيكة جديدة
المقادير:
3 معالق كبيرة سمنة( نص كوب)+كوب حليب +3 بيضات +معلقة
صغيرة فانيليا+كوب سكر+معلقة كبيرة بيكنج بودر+3 كوب دقيق
الطريقة
نضع السمنة فى طبق بلاستيك وندعكها كويس قوى بكف ايدنا
لحد ما تنعم خالص نضع السكر على السمنة ونضربهم كويس بايدنا لحد ماتحسى ان السكرذاب اضع البيض بيضة بيضة مع الفانيليا واضرب
بايدى وانا برفع ايدى من تحت لفوق علشان الهواء يدخل للعجينة اضع البيكنج بودر على الدقيق واضع القيق
شوية شوية بالتبادل مع
الحليب يعنى شوية دقيق وشوية حليب لحد ما جتتكون عندك
عجينة ادهنى الصينية بالسمنة ورشى رشة دقيق وصبى فيها
العجينة دخليها الفرن متوسط الحرارة لحد ما تعلى وتستوى بعد ما تخرج وتبرد قطعيها سمبوكسات بالسكينة

الهـــريســة
المقادير:
4 كوب دقيق سميد +كوب سكر +1.5ك سمن+1 ونص كوب زبادى +1/2
معلقة بيكنج بودر +1/2 معلقة بيكنج صودا
الطريقة
نضع السميد و السكر و السمن على بعض واخلطهم بالمعلقة
كويس ثم اضع الخميرة و الصودا على الزبادى واقلبهم واضعهم على العجينة واخلطهم كويس ادهن
صينية بالطحينة واضع
العجينة وافردها كويس ثم اضع معلقة زبادى على وش الصينية
وافردها كويس لكى تعطى لون بنى للوش بعد السوى اقطعها
سمبوسكات وارصص وحدات اللوز وادخلها الفرن لحد ماتسنوى ونسقيها بالعسل فور خروجها

الكريب بالمربى
المقادير:
عدة اقراص جاهزة من الكريب+سكر بودرة+مربى مشمش او اى نوع
بتفضلية
الطريقة:
نفرد القرص امامنا ونضع فى نصة مربى ثم نطبق القرص من
الجانبين ثم من الجهتين اللى امامهم على هيئة مربع ضعية فى طبق التقديم ورشى على وشه
سكر بودرة

الكريب بالايس كريم
المقادير:
عدة اقراص جاهزة من الكريب+سكر بودرة او عسل نحل+أيس كريم
الطريقة
نفرد القرص امامنا ونضع فى نصة ايس كريم ثم نطبق القرص من
الجانبين ثم من الجهتين اللى امامهم على هيئة مربع ضعية فى طبق التقديم ورشى على وشه
سكر بودرة او ضعى معلقة
عسل نحل

الكريب سوزيت
المقادير:
عدة اقراص جاهزة من الكريب +سكر بودرة +كريم باتسير+علبة
كمبوت مصفاة من الشراب
الطريقة
نضع الفاكهة الكمبوت على الكريم باتسير ونخلطهم بالمعلقةة
نفرد القرص امامنا
ونضع علية معلقة من الكريم باتسير بالفاكهة ونلف القرص على هيئة صباع ونضعة فى طبق التقديم ونرش على وشة
سكر بودرة

كيكة الرخام
المقادير:
كوب زبدة+2 ونص كوب دقيق+1 ونص كوب سكر+6 بيضات +نص كوب
حليب+معلقة صغيرة بيكنج بودر+فانيليا2 معالق كاكاو بودرة
الطريقة
نضرب الزبدة كويس لحد ما تبيض نضع عليها السكر ونضرب لحد
ما ينفش ويبقى زى الكريمة نضع البيض بيضة بيضة مع الضرب بين كل بيضة وبيضة و الفانيليا
نضع الحليب ونقلب نضع
البيكنج بودر على الدقيق ونضعة واحدة واحدة على الخليط مع
الخلط بالملعقة الخشب نحجز جزء من العجينة لوحدة ونضع
علية الكاكاو ونخلطه بالمعلقة ندهن الصينية بالسمن ونرشها بقليل من الدقيق (يعنى نبطنها نضع اما: 1 – المقدار الابيض كله وعلية من
فوق الجزء اللى بالشيكولاتة 2- نص القدار الابيض وعلية نص المقدار اللى بالشيكولاته ثم النص التانى
الابيض وعلية
النص التانى اللى
بالشيكولاتة3- خط من العجينة الابيض فى نص الصينية
وجانبة خط من العجسنة الاسود و فوق الابيض نضع خط اسود
وفوق الاسود نضع خط ابيض وهكزا يعنى خلف اخلاف
4- نضع الكمية البيضاء كلها والكميه اللى بالشيكولاته
فوقها و ندخل المعلقة الخشب فى مناطق متفرقة من العجينة كل دة بيختلف فى الشكل النهائى لما بتطلع وكل واحد بيدى شكل جميل ندخلها
الفرن لحد ما تستوى

ليـــالى الشــام
المقادير:
1 كوب سميد +4 كوب لبن +1 بيضة +1-2 كوب سكر. +1 م ص فانيليا. ،الدريسنج: شربات
(شيرة) +قشطة
الطريقة :
يضع الحليب على النار الى ان يصبح دافئا. يضاف السميد الى
الحليب والسكر مع التقليب . ثم توضع الفانيليا. يقلب الخليط على نار هادئة الى ان يغلظ قوامة . ثم يرفع من على النار ، ويوضع فى
صينية بيركس ويوضع فى الثلاجة. عند
التقديم تقطع الى مربعات ويوضع فى طبق التقديم وتوضع فوقها القشدة ثم العسل او الشربات.

اطباق قمر الدين
المقادير:
2 كوب عصير قمر الدين +2 معلقة كبيرة نشا+معلقة صغيرة
فانيليا+زبيب – مكسرات مفرومة – جوز هند
الطريقة
دوبى النشا فى شوية ماء صغيرين ضعى القمر الدين على النار
لحد ما يغلى تروحى
ضايفة النشا المزاب مع التقليب السريع وراء بعض وتوطى النار يعنى تخليها هادية مع التقليب لمدة 5 دقائق ثم
ضعى الفانيليا وتطفى النار بلى الاطباق اللى حنصب فيها القمر الدين بالماء الاول اغرفيها فى الاطباق وسيبيها لحد ماتبرد ثم ضعى رشة جوز هند و
زبيب ورشة مكسرات او اى نوع مكسرلت لوحدة يعنى الزواق زى ما انتى عاوزة

تورتة بالكيك
المقادير:
4 كوب كيك جاهز عندك مفتت(ممكن بدل الكيك تعمليها برضة ب 2
باكو بسكوت سادة )+كوب مربى او عسل
ابيض+كوب زبيب+3 معالق زبدة+سكر ناعم –فانيليا+ك
كاكاو+ك مكسرات+صوابع شيكولاتةجاهزة
الطريقة
نضع المربى والكاكاو على النار ونقلبهم كويس قوى لحد ما
يغلو ثم نضع الفانيليا
نضع الكيك المفتت على خليط الكاكاو ونقلبهم ثم نضع الزبدة و
المكسرات والزبيب ونقلبهم كلهم كويس قوى ندهن صينية
بالزيت ونضع فيها الخليط ونضغط عليها كويس وبعدين نقلبها فى طبق التقديم ونرش وشها
بالسكر الناعم
ونرصص عليها صوابع الشيكولاتة جنب بعض بشكل حلو وكمان المكسرات

قطايف بالكريمة
المقادير:
1 كيلو قطايف+عسل (شربات)+مكسرات مفرومة (اى نوع)+زيت
للقلى,+كريم شانتى.+كريمة الخفق(اختيارى)
الطريقة
نجيب القطايف ونبرمة زى القرطاس من تحت وبعد كدة نقليها
فى الزيت وتطلعيها من الزيت تحطيها فى الشربات بعد كدة تصفيها من الشربات وتضربى الكريم
شانتى مع الكريمة وتحشى
بيها قرطاس القطايف اللى عملناة وتحطى على وش الكريم
شاتنى مكسرات مفرومة

صينية الرقاق بالمكسرات
المقادير:
1/2 كيلو رقاق+كيلو حليب+2 معلقة كبيرة سكر بودرة +1/2
كوب سمنة +مكسرات مفرومة+شراب (عسل)
الطريقة
اغلى الحليب على النار (ماعدا كوباية ) اسقى الرقاق
بالحليب ورقة ورقة لحد ماتطرى ادهنى الصينية بالسمن وضعى 3 ورقات فوق بعض ثم ادهنى سمنة
بالفرشاة ثم
ضعى 3 ورقات رقاق تانية وبرضة ادهنى سمنة بالفرشاة وهكذا لحد ما تخلصى نص مقدار الرقاق ضعى السكر البودرة على
المكسرات وضعى المكسرات على الرقاق وعليها معلقة سمنة كملى نص صينية الرقاق بنفس الطريقة لحد ما تخلصى
الرقاق كله
صبى كوب الحليب اللى كنا راكنينه على وش الصينية وعلية معلقة سمنة سايحة ندخلها الفرن اعلى من المتوسط لحد
ما يحمر وشها نخرجها ونقطعها حسب الرغبةنسقى الصينية وهى ساخنة بالشراب البارد

الكيكة الناعمة :
بتتعمل بالزبدة وحسب المقدار يعنى اذا كانت 5 بيضات نعمل 3
بيضات كاملة و صفار
2 بيضة او تعملى بدل السمن او الزبدة كل المقدار بالقشطة يعنى تعملى الكيكة كلها بقشطة الحليب فقط اللى انتى
بتحوشيه وتشيليه من على وش الحليب تجمعية لحد ما تبقى القشطة مثلا ربع كيلو او نص كيلو وتعملى بيها عادى
خالص يعنى ناس تحوش القشطة وتعمل بيها سمنة بلدى وانتى
تحوشيها وتعملى بيها كيكة

الكيكة الخفيفة (بالزبادى وبدون سمن او زيت )
المقادير:
3بيضة - كوب سكر - علبة زبادى (لو بلدى تبقى الصغيرة)- 2
كوب دقيق - كيس بيكنج بودر - فانيليا - سمنة لدهان الصينية
الطريقة:
اضربى البيض والسكر والفانيليا كويس ضعى الزبادى عليهم
واضربى ضعى كيس البيكنج بودر على الدقيق وضعية على العجينة واخلطى بالمعلقة الخشب
ادهنى الصينية بالسمن
وضعى العجينة واخبزيها عادى لحد ما تستوى

طبق بطاطا سريع
المقادير:
كيلو بطاطا+كوب سكر بودرة+نص كوب حليب+كريم شانتى+فانيليا+فاكهة(موز
- برتقال)
الطريقة
اغسلى البطاطا كويس وبعدين اسلقيها ثم تقشر وتهرس بالشوكة
كويس نضع السكر البودرة و الحليب و الفانيليا و شوية مكسرات على البطاطا و نخلطهم ببعض كويس ثم نضعها فى طبق ونسويها او كور فى
ورق بليسية صغير او فى طبق واحد كبير على شكل هرم نجملها بشرائح الموز وباقى المكسرات ووردات من الكريم شانتية

كيكة العجوة
المقادير:
3 كوب دقيق -كوب سمنة -كوب زبادى+معلقة صغيرة بيكنج بودر-قليل
من الحليب+تمر مهروس تماما( او باكو مهروس جاهز
الطريقة:
اضرب السمنة واخلطها بالزبادى كويس ثم اضع البيكنج بودر
على الدقيق واضعه على السمنة بالزبادى وابدء اعجنهم بشوية حليب لحد ما تتكون عندك عجينة قريبة من الطرية.اقسم العجينة قسمين ... ابطط
اول قسم فى الصينية ثم اخد قطعة قطعة عجوة وابططها واضعها على العجينة بجانب بعض حتى تتكون عندك
طبقة مفرودة من العجوة
فوق طبقة العجينة اعمل القسم التانى من العجينة بنفس
الطريقة واعملها طبقة فوق طبقة العجوةادخل الصينية الفرن
متوسط الحرارة لحد ما تحمر وبعد ما نخرجها نقطعها اما سمبوكسات او مربعات ( ملحوظة: طعمها جميل جدا وعاملة زى الفطير اللى بعجوة)

كيكة بالتمر
المقادير:
4بيضات-ك سكر - ك ونص زبدة - كوب ونصف دقيق +ملعقة صغيرة
بيكنج بودر - ك تمرمنزوع النوى+نص ك عين جمل
الطريقة
نضرب الزبدة فى الخلاط لحد ما تنعم نضع السكر على الزبدة
ونضربهم لحد ما يبيضوا نضع البيض بيضة بيضة ونضرب كويس نضع البيكنج بودر على الدقيق
ونضعه شوية شوية على
الخليط ونخلط بالمعلقة الخشب نقطع التمر قطعا صغيرة ثم يضاف
على الخليط ويخلط برضةبالملعقة تصب العجينة في قالب مدهون
او صينيةو نرش فوقها
عين الجمل ندخلهم فرن متوسط الحرارة لحد ما تستوى حوالى ساعة الا ربع

كيكة سريعة بدون دقيق
المقادير:
كوب سكر – علبة قشطة – كوب جوز هند -رغيف فينو – كوب زيت –
معلقتين كاكاو –نص باكو زبدة ( الصابع
ال114 جرام ) – 5 بيضات – معلقة فانيليا – معلقة
بيكنج بودر – (( معلقة زبدة – معلقتين كاكاو – علبة قشطة –
كوب سكر ))
الطريقة
اخلطى كل اللى باللون الاحمر مع بعض فى الخلاط لحد ما
بندمجوا ضعيهم فى صينية فى فرن متوسط الحرارة لمدة نص ساعة لحد ما تستوى وطلعيها سيحى
الزبدة على
النار وضعى عليها السكر لحد ما يدوب ثم ضعى الكاكاو والقشطة لحد ما يدوبوا صبيها على وش الصينية ودخليها
الثلاجة تبرد

الشارلوت
المقادير:
1/2 كيلو لبن+5 ورقات جيلاتين+1/4 كيلو سكر (2 كوب)+1/4
كيلو كريم شانتيه بودر+مقدار من البسكويت (لوكس) المطحون + قليل من زبده
الطريقة:
- نضع الجيلاتين فى الماء حتى يدوب
من 10: 15 دقيقة- نغلى اللبن ويحلى
بالسكر ويرفع من على النار ثم نضع الجيلاتين (طبعاً بدون
الماء) ويقلب سريعاً.-
ثم يبرد ونضرب الكريمه ونضع عليها جزء جزء من الخليط السابق حتى يصبح سائل- نضع المقدار فى صينية مقاس 26
(تفضل تكون تنفصل لسهولة التقديم) مقدار
يكفى لفرد الصينية من البسكويت المطحون ومضاف إليه الزبد وممكن بدلا من البسكويت طبقة رقيقه من الكيك وممكن
أيضا أضافة مقدار من الفواكه المقطعة قبل أن يصب الخليط فوقها ثم توضع فى الثلاجة لوقت التقديم

القطايف الطائرة
المقادير:
نص كيلو قطايف عصافيرى+جوز هند+زبيب + قرفة ناعمة+زيت
وسمنة للقلى +شراب
الطريقة
نضع الجوز الهند على القرفة على الزبيب ونخلطهم بالمعلقة
هاتى واحدة قطايف حطيها على ايدك وضعى عليها معلقة من الحشو هاتى واحدة تانية قطايف
وضعيها فوق
الحشو يعنى كأنك بتغطيه بيها واقفلى القطايف بصوابعك كويس بالضغط على طرفى القطايف داير ما يدور (يعنى شكلها
النهائى مش حيبقى زى نص الدايرة.لأ حيكون شكلها زى الدايرة الكاملة او زى الطبق الطاير حمريها وبعدين
ضعيها فى العسل

بودنج الشكولاته
المقادير:
85 جرام دقيق – 2 ملعقه شاى بيكنج بودر – ذره ملح – 55
جرام زبد – 30 جرام شكورته خام مبشوره – 115 جرام سكر بودره – 85 مل لبن – ربع ملعقه
فانيليا – كريم شانتى – للتغطيه:
2 ملعقه قهوه نسكافيه – 315 مل ماء ساخن – 100 جرام
سكر بنى – 70 جرام سكر بودره – 2 ملعقه كاكاو
الطريقة:
فى بوله بنحط الدقيق والبيكينج بودر وذره الملح وفى حمام
مائى بنسيح الزبد مع الشكولاته مع السكر وبعدين نضيف لهم الدقيق ونضيف اللبن والفانيليا
نصب الخليط فى طبق فرن
نذوب النسكافيه فى الماء ونخلط الكاكاو مع السكر نرش
مزيج الكاكاو على وش الطبق وبعدين نصب النسكافيه على الوش
ندخله فرن سخن جدا
ونخبزه 40 دقيقه نجمله بالكريم شانتى

تورتة بالزيت و بدون بيض (مقاس الصينية 22 )
المقادير:
1 ونص كوب دقيق+1 ونص كوب سكر سنترفيش+كوب عصير برتقال او
ماء+6 معالق كبيرة
زيت+باكو بيكنج بودر+3 معالق كبيرة خل ( الخل بديل الببيض)+فانيليا
الطريقة:
ولعى الفرن الاول عند البدء فى الشغل نضرب الزيت والسكر
كويس ثم نضع الخل والفانيليا ونخلط ثم نضع البيكنج بودر على الدقيق ثم نضع البرتقال
بالتناوب مع
الدقيق على الخليط لحد ما تتكون عندك العجينة ندهن صينية بالزيت اوالسمن النباتى ونرشها بالدقيق ونصب
فيها العجينة وندخلها الفرن لحد ماتستوى

كيكة الشوكلاتة البيضاء
المقادير :
2بيضة _4ملاعق سكر ناعم -1/3 كوب دقيق -1/4كوب شوكولاتة بيضاء مذابة
الطبقة الثانية : 11/4 كوب قشطة الخفق -11/2 كوب شوكولاتة
بيضاء (مكعبات ) 1كوب جبنة كريم –
للزينة : رقائق الشوكولاتة –بودرة كاكاو للرش
الطريقة :
في الخلاط ضعي البيض (البيض +السكر ) حتى يمتزج تماما ثم
بالملعقة الخشبية أضيفي الدقيق والشوكولاتة البضاء . -صبي الخليط في الصينية وأدخليها الفرن على درجة حرارة 350 ف لمدة 25 دقيقة
دعيها تبرد على سلك معدني_أعيديها للصينية مرة أخرى -لصنع الطبقة العلوية : ضعي قشطة الخفق على النار
ودعيه حتى يغلي وحركي حتى
لايحترق أضيفي الشوكولاتة البيضاء حتى تذوب وتختلط
أرفعيه على النار حتى تبرد ثم أضيفي الجبنة وأخلطي حتى
تمتزج تماما -صبي الخليط فوق الكيكة ضعيها في الثلاجة لمدة 2ساعة ضعي الكيك في طبق
التقديم ورصي
لفائف الشوكولاتة ورشي الكاكاو
ملاحظة : طريقة صنع اللفائف :أذيبي الشوكولاتة ثم صبيها
على لوح بلاستيكي ودعيه يبرد على درجة حرارة الغرفة أحضري الملعقة المسطحة ثم بحافة
الملعقة قومي
بتقشير الشوكولاتة أجمعي اللفائف ضعيها في الثلاجه
حتى تتماسك

_________________

avatar
مودي
عضو مميز
عضو مميز

الجنس : ذكر عدد المساهمات : 480
تاريخ التسجيل : 01/01/2012
المزاج المزاج : كويس

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى